TNPSC Thervupettagam
✖
 
24, Feb 2026
TNPSC Group I Topper Corner
தமிழ் English
தேடல்
TNPSC துளிகள்

TNPSC துளிகள்

February 7 , 2026 17 days 65 0
  • எல்லைப்புறச் சாலைகள் அமைப்பானது (BRO) ஜனவரி 2026ல், கனமழை மற்றும் பனிப்பொழிவுக்குப் பிறகு சடர்கலா கணவாயில் சாலை இணைப்பை மீட்டெடுத்து, ஒரு மீட்பு நடவடிக்கையை மேற்கொண்டது.
    • இந்த நடவடிக்கை ஜம்மு மற்றும் காஷ்மீரில் உள்ள சதர்கலா கணவாயில் (10,500 அடி) சம்பர்க் திட்டத்தின் கீழ் மேற்கொள்ளப் பட்டது.
  • தமிழ்நாடு முதலமைச்சர், ராணிப்பேட்டையின் முதல் கார் உற்பத்தி ஆலையை, பனப்பாக்கத்தில் உள்ள தமிழ்நாடு மாநில தொழில்கள் மேம்பாட்டுக் கழகம் (சிப்காட்) வளாகத்தில் திறந்து வைக்கவுள்ளார்.
    • இது மின்சார வாகனங்களில் நிபுணத்துவம் பெற்ற, டாடா மோட்டார்ஸுக்குச் சொந்தமான, சொகுசு வகை ஜாகுவார் லேண்ட் ரோவர் (JLR) கார் மாடல்களைத் தயாரிக்கும் இந்தியாவின் முதல் ஆலையாகும்.
  • புகழ்பெற்ற கல்வியாளர் எஸ்.எஸ். ராஜகோபாலன் சமீபத்தில் காலமானார்.
    • சமச்சீர் கல்வி முறையை உருவாக்கிய குழுவில் அவர் ஒரு உறுப்பினராக இருந்ததுடன், அகில இந்தியக் கல்வி உரிமை மன்றத்தின் தொழில்நுட்பக் குழுவிலும் பணியாற்றினார்.
  • ஓடிசாவின் பாரதீப் துறைமுக ஆணையமானது 'ஆண்டின் தூய்மையான துறைமுகமாக' தேர்ந்தெடுக்கப் பட்டதுடன் ஸ்வச்சதா பக்வாடா விருதுகள் 2025-ல் முதல் பரிசையும் வென்றது.
  • ஃபோர்ப்ஸ் பத்திரிகையின்படி, SpaceX மற்றும் xAI நிறுவனங்களின் இணைப்புக்குப் பிறகு, எலோன் மஸ்க் 800 பில்லியன் டாலர் நிகர சொத்து மதிப்பைத் தாண்டிய வரலாற்றின் முதல் நபராக மாறியுள்ளார்.
  • பிப்ரவரி 1 முதல் பிப்ரவரி 15, 2026 வரை அனுசரிக்கப்படும்  சாக்சம் (சம்ரக்சன் சமதா மகோத்சவம்) 2026 எனும் எரிபொருள் சேமிப்புப் பிரச்சாரம் சண்டிகரில் தொடங்கப் பட்டது.
  • கடல்சார் தளவாடங்களை வலுப்படுத்தும் நோக்கில், பாரத் கொள்கலன் கப்பல் நிறுவனத்தை (BCSL) நிறுவுவதற்காக மத்திய அரசு பல்வேறு பங்குதாரர்களுடன் ஓர் ஒப்பந்தத்தில் கையெழுத்திட்டது.
  • இந்தியாவும் சீனாவும் 2025 ஆம் ஆண்டில் 155.6 பில்லியன் அமெரிக்க டாலர் வரலாற்று இருதரப்பு வர்த்தகத்தைப் பதிவு செய்தன என்ற நிலையில் இது இந்த ஆண்டில் சுமார் 12% அதிகரித்து ள்ளது.
    • சீனாவிற்கான இந்திய ஏற்றுமதி 2025 ஆம் ஆண்டில் 9.7% அதிகரித்துள்ளது.
  • உலகளாவிய மத நல்லிணக்க வாரம் 2026 ஆனது, அமைதி, சகிப்புத்தன்மை, அகிம்சை மற்றும் சமயங்களுக்கு இடையேயான புரிதலை மேம்படுத்தும் நோக்கில், பிப்ரவரி 1 முதல் 7 வரை உலகெங்கிலும் அனுசரிக்கப்படுகிறது.

Post Views:
65

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்