TNPSC Thervupettagam
✖
 
23, Mar 2026
TNPSC Group I Topper Corner
தமிழ் English
தேடல்
TNPSC துளிகள்

TNPSC துளிகள்

March 22 , 2026 15 hrs 0 min 20 0
  • மேற்கு பசிபிக் பெருங்கடலில் உள்ள குவாம் அருகே அமெரிக்கா தலைமையிலான நீர்மூழ்கி எதிர்ப்புப் போர் பயிற்சியான சீ டிராகன் பயிற்சிக்காக இந்தியக் கடற்படை P-8I விமானத்தை நிலை நிறுத்தியுள்ளது.
  • 2025 ஆம் ஆண்டு மார்ச் 17 அன்று ஐக்கிய நாடுகள் சபைக்கு அறிவித்த பிறகு, அர்ஜென்டினா உலக சுகாதார அமைப்பிலிருந்து அதிகாரப்பூர்வமாக விலகியுள்ளது.
  • முன்னாள் தூதர் ஜாவேத் அஷ்ரஃப்பிற்கு பிரான்ஸ் நாட்டின் உயரிய விருதான லீஜியன் ஆஃப் ஹானர் (Legion of Honour) விருதின் 'கமாண்டர்' தகுதி வழங்கப்பட்டுள்ளது.
  • டாடா குழுமத்தின் தலைவரான N. சந்திரசேகரனுக்கு பிரிட்டன் நாட்டின் அரசு கௌரவ நைட்ஹுட் (KBE) விருது வழங்கியுள்ளது.
  • அஞ்சல் துறையின் கீழ் அவசரப் பொருட்களை வேகமாகவும் நம்பகத் தன்மையுடனும் அனுப்ப, அடுத்த நாள் டெலிவரி செய்யும் சேவையான "24 Speed Post " என்ற வசதியை இந்திய அஞ்சல் துறை அறிமுகப்படுத்தியுள்ளது.
  • வாயில் ஏற்படும் நோய்களைக் குறைக்கவும், விழிப்புணர்வை ஏற்படுத்தவும் ஒவ்வொரு ஆண்டும் மார்ச் 20 அன்று உலக வாய் சுகாதார தினம் அனுசரிக்கப் படுகிறது.
    • 2026-ஆம் ஆண்டிற்கான கருத்துரு "A Happy Mouth is a Happy Life" என்பதாகும்.
  • நகர்ப்புறங்களில் சிட்டுக்குருவிகளின் எண்ணிக்கை வேகமாக குறைந்து வருவது குறித்த விழிப்புணர்வை ஏற்படுத்த ஒவ்வொரு ஆண்டும் மார்ச் 20 அன்று உலக சிட்டுக் குருவிகள் தினம் அனுசரிக்கப்படுகிறது.
    • 2026-ஆம் ஆண்டிற்கான கருத்துரு "I Love Sparrows" என்பதாகும்.
  • கலை, அறிவியல் மற்றும் அன்றாட வாழ்வில் வண்ணங்களின் முக்கியத்துவத்தை கொண்டாடும் வகையில் ஒவ்வொரு ஆண்டும் மார்ச் 21 அன்று சர்வதேச வண்ண தினம் அனுசரிக்கப் படுகிறது.
  • பனிப்பாறைகளின் இழப்பைச் சுட்டிக்காட்டவும், பனிப்பாறைகள் மற்றும் நீர் ஆதாரங்களின் ஆராய்ச்சி, விழிப்புணர்வு மற்றும் பாதுகாப்பை மேம்படுத்தவும் மார்ச் 21 அன்று உலகப் பனிப்பாறைகள் தினம் அனுசரிக்கப்படுகிறது.

Post Views:
20

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்