TNPSC Thervupettagam
✖
 
02, May 2026
TNPSC Group I Topper Corner
தமிழ் English
தேடல்
TNPSC துளிகள்

TNPSC துளிகள்

May 2 , 2026 15 hrs 0 min 31 0
  • சேலத்தைச் சேர்ந்த ஆர். ரித்திகா ஸ்ரீ, தமிழ்நாட்டிலிருந்து உருவான இந்தியாவின் முதல் திருநங்கை கிரிக்கெட் நடுவர் ஆனார்.
  • கேரளாவில் உள்ள 100-க்கும் மேற்பட்ட ஆக்கிரமிப்பு தாவர இனங்களை அடையாளம் காணும் செயற்கை நுண்ணறிவு (AI) அடிப்படையிலான ஆரம்பகால கண்டறிதல் மற்றும் பல்லுயிர்ப் பாதுகாப்பிற்கு துணை புரிகின்ற செயலியை உருவாக்கியதற்காக என். அலிம் யூசுப்பை உலக வனவிலங்கு நிதியம் (WWF) கௌரவித்துள்ளது.
  • பத்மஸ்ரீ விருது பெற்றவரும், புகழ்பெற்ற இந்திய புகைப்படக் கலைஞருமான ரகு ராய் தனது 83 வயதில் டெல்லியில் காலமானார்.
  • புனேவில் உள்ள இந்திய வெப்பமண்டல வானிலை ஆய்வு நிறுவனமானது, மௌசம் திட்டத்தின் கீழ் மகாராஷ்டிராவின் மகாபலேஷ்வரில் அருகிலுள்ள பகுதிகளுக்கான நிகழ்நேரக் கண்காணிப்பு மற்றும் குறுகிய கால வானிலை முன்னறிவிப்புகளை மேம்படுத்துகின்ற புதிய X-பட்டை டாப்ளர் வானிலை ரேடாரை நிறுவியுள்ளது.
  • பாதுகாப்பு ஆராய்ச்சி மற்றும் மேம்பாட்டு நிறுவனமானது (DRDO), இந்தியக் கடற்படையுடன் இணைந்து வங்காள விரிகுடாவில் ஒடிசா கடற்கரைக்கு அப்பால் ஒரு ஹெலிகாப்டரில் இருந்து NASM-SR (குறுகிய தூர கடற்படை கப்பல் எதிர்ப்பு எறிகணை) எறிகணையின் முதல் சால்வோ சோதனையை நடத்தியது.
    • சால்வோ சோதனை என்பது ஒரே தளத்தில் இருந்து இரண்டு எறிகணைகளை விரைவாக ஏவுவதாகும்.
  • தடுப்பூசிகள் பற்றிய விழிப்புணர்வை பரப்புவதற்காக ஒவ்வொரு ஆண்டும் ஏப்ரல் 24 முதல் 30 ஆம் தேதி வரை உலக தடுப்பூசி வாரம் அனுசரிக்கப்படுகிறது.
    • 2026 ஆம் ஆண்டிற்கான கருத்துரு "For every generation, vaccines work" என்பதாகும்.

Post Views:
31

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்