TNPSC Thervupettagam
✖
 
29, Jul 2026
TNPSC Group I Topper Corner
தமிழ் English
தேடல்
TNPSC துளிகள்

TNPSC துளிகள்

July 26 , 2026 3 days 40 0
  • லட்சத்தீவுகளில் பாக்கிசெலஸ் ரவிச்சந்திரனி (Pachycheles ravichandrani) எனப்படும் புதிய வகை பீங்கான் நண்டு இனத்தை அறிவியலாளர்கள் கண்டுபிடித்துள்ளனர்.
  • புனேவில் உள்ள அகர்கர் ஆராய்ச்சி நிறுவனத்தின் (ARI) ஆராய்ச்சியாளர்கள், மேற்குத் தொடர்ச்சி மலையில் அல்லோகிராஃபாவின் (லைக்கனை உருவாக்கும் பூஞ்சை) அல்லோகிராஃபா கேரலென்சிஸ், அல்லோகிராஃபா நாயகே, அல்லோகிராஃபா பாரா கான்சங்குனியா, அல்லோகிராஃபா பெர்சிஸ்டின்ஸ்பெர்சா மற்றும் அல்லோகிராஃபா செமிகார்போனிசாட்டா ஆகிய ஐந்து புதிய இனங்களைக் கண்டுபிடித்துள்ளனர்.
    • மாசடைதல் மற்றும் வாழ்விட மாற்றங்களை உணரும் திறன் காரணமாக, அல்லோகிராஃபா லைக்கன்கள் காடுகளின் ஆரோக்கியம் மற்றும் சுற்றுச்சூழல் தரத்தின் குறிகாட்டிகளாகச் செயல்படுகின்றன.
  • இந்தியா தனது 2026 ஆம் ஆண்டிற்கான பிரிக்ஸ் (BRICS) தலைமையின் கீழ், பிரிக்ஸ் வலையமைப்பு பல்கலைக் கழகத்தின் (BRICS NU) சர்வதேச ஆளும் குழு (IGB) கூட்டத்தையும், பாரம்பரிய மற்றும் உள்நாட்டு அறிவு அமைப்புகள் குறித்த மாநாட்டையும் நடத்தியது.
    • இந்தக் கூட்டத்தில் பிரிக்ஸ் வலையமைப்பு பல்கலைக்கழக செயல்திட்டம் (2025-2028) மதிப்பாய்வு செய்யப்பட்டு, பிரிக்ஸ் வலையமைப்பு பல்கலைக்கழக சர்வதேச ஆளும் குழு பிரகடனம் ஏற்றுக் கொள்ளப் பட்டது.
  • உலகளாவிய சுகாதார முன்னுரிமைகளில் ஒத்துழைப்பை வலுப்படுத்துவதற்காக, சண்டிகரில் 16வது பிரிக்ஸ் சுகாதார அமைச்சர்கள் கூட்டத்தை இந்தியா நடத்துகிறது.
    • சுகாதார பாதுகாப்பு, பெருந்தொற்று ஆயத்த நிலை, டிஜிட்டல் சுகாதாரம், மலிவு விலை மருந்துகள், காசநோய் (TB), மனநலம் மற்றும் மீள்திறன் கொண்ட சுகாதார அமைப்புகள் குறித்து இக்கூட்டத்தில் விவாதிக்கப்படுகிறது.
  • 40-க்கும் மேற்பட்ட நாடுகளின் கூட்டமைப்பான ஒருங்கிணைந்த கடல்சார் படைகளுடன் (CMF) இணைந்து, கேரளாவின் கொச்சியில் உள்ள தெற்கு கடற்படை கட்டளையகத்தில் (SNC) 'தெற்குத் தயார்நிலை நடவடிக்கை 26-2' என்ற நான்கு நாள் பன்னாட்டு கடல்சார் பாதுகாப்புப் பயிற்சிக்கு இந்தியக் கடற்படை தலைமை தாங்கி நடத்துகிறது.
  • இந்தியாவின் தேசியப் பாதுகாப்பிற்கு அவர் ஆற்றிய பங்களிப்பிற்காக தேசியப் பாதுகாப்பு ஆலோசகர் (NSA) அஜித் தோவல் 2026 ஆம் ஆண்டிற்கான லோக்மான்ய திலகர் தேசிய விருதுக்குத் தேர்ந்தெடுக்கப்பட்டுள்ளார்.
  • கேரளாவின் திருச்சூரைச் சேர்ந்த எட்டு வயது சிறுமியான ஐயா கிரிஷ் (Iya Krish), வட ஆப்பிரிக்காவின் மிக உயரமான சிகரமான மவுண்ட் டூப்கல் சிகரத்தை அடைந்த மிக இளம் வயது ஆசிய மலையேறுபவர்களில் ஒருவரானார்.
    • மவுண்ட் டூப்கல் மொராக்கோவில் அமைந்துள்ளது மற்றும் இது அட்லஸ் மலைத் தொடர் மற்றும் வட ஆப்பிரிக்காவின் மிக உயரமான சிகரமாகும்.

Post Views:
40

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்