TNPSC Thervupettagam
✖
 
29, Jul 2026
TNPSC Group I Topper Corner
தமிழ் English
தேடல்
TNPSC துளிகள்

TNPSC துளிகள்

July 28 , 2026 9 hrs 0 min 25 0
  • ஐரோப்பிய ஒன்றியத்தின் (EU) தடைகள் காரணமாக அர்காடி ட்வோர்கோவிச் பதவியிலிருந்து விலகியதையடுத்து, சர்வதேச சதுரங்கக் கூட்டமைப்பின் (FIDE) இடைக்காலத் தலைவராக முன்னாள் உலக சதுரங்க சாம்பியன் விஸ்வநாதன் ஆனந்த் பொறுப்பேற்றுள்ளார்.
  • ஹைதராபாத்தை சேர்ந்த பாணினியன் இந்தியா பிரைவேட் லிமிடெட் நிறுவனமானது, இந்தியாவின் முதல் தனியார் துறை டர்போஃபேன் (turbofan) பொறி இயந்திர மேம்பாட்டுத் திட்டமான யந்தூர் (Yantur) என்பதை வெளியிட்டது.
    • 4.5 கிலோநியூட்டன் (kN) திறன் கொண்ட இந்த டர்போஃபேன் பொறி இயந்திரமானது Svayatt L1 நீண்ட தூரம் தன்னிச்சையாக இயங்கக்கூடிய சீர்வேக எறிகணைத் தளத்திற்காக உருவாக்கப்படுகிறது.
  • Sarbat.AI முன்னெடுப்பின் கீழ், 1 முதல் 12 ஆம் வகுப்பு வரையிலான பள்ளிப் பாடத் திட்டத்தில் செயற்கை நுண்ணறிவை (AI) ஒரு முக்கியப் பாடமாக அறிமுகப்படுத்திய இந்தியாவின் முதல் மாநிலமாக பஞ்சாப் உருவெடுத்துள்ளது.
    • டிஜிட்டல் மற்றும் தொழில்நுட்பத் திறன்களுடன் கூடிய, செயற்கை நுண்ணறிவு (AI) குறித்த அறிவும் புதுமைப் புனைவு சார்ந்த அணுகுமுறையும் கொண்ட ஒரு மாணவர் சமூகத்தை உருவாக்குவதை இந்த முன்னெடுப்பு நோக்கமாகக் கொண்டுள்ளது.
  • மாட்ரிட் மற்றும் அவிலா மாகாணங்களில் ஏற்பட்ட கடுமையான காட்டுத்தீ காரணமாக ஸ்பெயின் நாடு முதல் முறையாக தேசிய அவசர நிலையை அறிவித்து உள்ளது.
    • 2026 ஆம் ஆண்டில் ஸ்பெயினில் 100,000 ஹெக்டேருக்கும் அதிகமான நிலங்கள் எரிந்துள்ளன, மேலும் காட்டுத்தீ காரணமாக 13 இறப்புகள் பதிவாகியுள்ளன.
  • 'செயற்கை நுண்ணறிவு (AI) குறித்த முதல் அறிவியல் அறிக்கை' என்பது, ஐக்கிய நாடுகள் சபையின் (UN) ஏற்பாட்டில் மேற்கொள்ளப்பட்ட, செயற்கை நுண்ணறிவு குறித்த சுயாதீன சர்வதேச அறிவியல் நிபுணர் குழுவால் தயாரிக்கப்பட்ட ஒரு முதற்கட்ட அறிவியல் மதிப்பீடாகும்.
    • செயற்கை நுண்ணறிவு அறிவியல் முன்னேற்றங்கள்; சுகாதாரம், கல்வி மற்றும் வேளாண்மைத் துறைகளில் அதன் பயன்பாடுகள்; பொருளாதார விளைவுகள்; பாதுகாப்பு மற்றும் சுற்றுச்சூழல் மீதான தாக்கங்கள்; மனித உரிமைகள் மற்றும் ஜனநாயகம்; கலாச்சாரம் மற்றும் தனிநபர் நல்வாழ்வு; அத்துடன் நிர்வாகம் மற்றும் நம்பகத்தன்மை ஆகியன இவ்வறிக்கையின் 7 கருத்துருக்களாகும்.
  • சேலம், கொண்டப்பநாயக்கன்பட்டியில் உள்ள ஊராட்சி ஒன்றியத் தொடக்கப் பள்ளியானது, தமிழ்நாட்டில் ISO 9001:2015 சான்றிதழைப் பெற்ற முதல் அரசுத் தொடக்கப் பள்ளி ஆனது.
    • கொண்டப்பநாயக்கன்பட்டியில் அமைந்துள்ள 71 ஆண்டுகள் பழமையான இந்த ஊராட்சி ஒன்றியத் தொடக்கப் பள்ளி, இம்மாவட்டத்தில் இத்தகைய அங்கீகாரத்தைப் பெறும் முதல் அரசுத் தொடக்கப் பள்ளியாகும்.

Post Views:
25

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்