TNPSC Thervupettagam
✖
 
08, Nov 2026
TNPSC Group I Topper Corner
தமிழ் English
தேடல்
TNPSC துளிகள்

TNPSC துளிகள்

November 3 , 2026 5 days 81 0
  • லேசர் ஒளியைப் பயன்படுத்தி அணுக்களை குளிர்விப்பதற்கும் மற்றும் பொறிக்குள் அகப்படுத்துவதற்குமான வழிமுறைகளைக் கண்டறிந்ததற்காக 1997 ஆம் ஆண்டில் இயற்பியலுக்கான நோபல் பரிசைப் பகிர்ந்து கொண்ட பிரெஞ்சு இயற்பியலாளர் கிளாட் கோஹன்-தன்னூட்ஜி தனது 93வது வயதில் காலமானார்.
  • கோவா ஷிப்யார்டு லிமிடெட் (GSL) நிறுவனமானது கோவாவில் நான்காவது அடுத்த தலைமுறை ரோந்து கப்பலான (NGOPV) ஐஎன்எஸ் சிருஷ்டியை அறிமுகப்படுத்தியது.
  • இந்தியா-கொரியக் குடியரசு கடற்படைகளின் (IN-RoKN) 2026 ஆம் ஆண்டிற்கான இருதரப்பு கடல்சார் பயிற்சி தென் கொரியாவின் பூசான் கடற்படைத் துறைமுகத்தில் நடைபெற்றது.
  • இந்திய உயிரியல் வேளாண் தீர்வுகள் சங்கம் (BASAI) கென்யாவுடனான ஒத்துழைப்பு உட்பட உயிரியல் வேளாண்மையில் சர்வதேச கூட்டாண்மைகளை ஆராய்ந்து வருகிறது.
    • இந்த உத்தேச ஒத்துழைப்பானது வேளாண் ஆராய்ச்சி, தொழில்நுட்பம் மற்றும் உயிரியல் தீர்வுகளில் அறிவுப் பரிமாற்றம் மற்றும் கூட்டு செயல்பாடுகளை மேம்படுத்துவதை நோக்கமாகக் கொண்டுள்ளது.
  • அமெரிக்கா (முதலிடம்) மற்றும் சீனாவுக்கு (இரண்டாம் இடம்) அடுத்தபடியாக ₹22 லட்சம் கோடி மதிப்புடன் உலக அளவிலான வாகனத் தொழில்துறையில் ஜப்பானைப் பின்னுக்குத் தள்ளி இந்தியா உலகின் மூன்றாவது பெரிய நாடாக உருவெடுத்துள்ளது என்று மத்திய அமைச்சர் நிதின் கட்கரி தெரிவித்துள்ளார்.
  • அளவீட்டுத் தரநிலைகளின் உலகளாவிய ஒத்திசைவை மேம்படுத்தவும், சர்வதேச வர்த்தகத்தை எளிதாக்கவும், நுகர்வோரைப் பாதுகாக்கவும், சட்ட அளவியல் குறித்த சர்வதேசக் குழுவின் (CIML) 61வது கூட்டத்தை இந்தியா முதல்முறையாக புதுதில்லியில் நடத்தியது.
  • நிலையான நகரமயமாக்கல் குறித்த விழிப்புணர்வை ஏற்படுத்தவும், சர்வதேச ஒத்துழைப்பை மேம்படுத்தவும், அனைவரையும் உள்ளடக்கிய, பாதுகாப்பான, நெகிழ்வான மற்றும் நிலையான நகரங்களின் வளர்ச்சியை ஊக்குவிக்கவும் ஒவ்வொரு ஆண்டும் அக்டோபர் 31 அன்று உலக நகரங்கள் தினம் அனுசரிக்கப்படுகிறது.
    • 2026 ஆம் ஆண்டிற்கான கருத்துரு "Regenerating the City: Adequate Housing for All" என்பதாகும்.

Post Views:
81

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்