TNPSC Thervupettagam
✖
 
22, Sep 2025
TNPSC Group I Topper Corner
தமிழ் English
தேடல்
அறிக்கைகள் மற்றும் குறியீடுகள்

UDISE+ 2024–25 அறிக்கை

September 3 , 2025 19 days 68 0
  • கல்வி அமைச்சகமானது, ஒருங்கிணைந்த மாவட்டக் கல்வித் தகவல் அமைப்பு பிளஸ் (UDISE+) 2024-25 அறிக்கையை வெளியிட்டுள்ளது.
  • 2022-23 மற்றும் 2023-24 ஆகிய இரண்டு ஆண்டுகளுடன் ஒப்பிடும் போது, ​​2024–25 ஆம் கல்வியாண்டில், ஆரம்ப நிலை, இடைநிலை மற்றும் உயர்நிலைப் பள்ளி நிலைகளில் இடைநிற்றல் விகிதங்கள் குறிப்பிடத்தக்க அளவில் குறைந்துள்ளன.
  • 2024-25 ஆம் ஆண்டில் 1 ஆம் வகுப்பில் சேர்க்கப்பட்ட 1.92 கோடி மாணாக்கர்களில், 80% (1.54 கோடி மாணவர்கள்) அதே பள்ளியிலோ அல்லது வேறு பள்ளியிலோ அல்லது அங்கன்வாடி மையத்திலோ பள்ளிக் கல்விக்கு முந்தைய அனுபவத்தைக் கொண்டிருந்தனர்.
  • இது 2023-24 ஆம் ஆண்டில் 73% ஆக இருந்தது, தற்போது 1 ஆம் வகுப்பில் சேர்க்கப்பட்ட 1.87 கோடி மாணாக்கர்களில் சுமார் 1.37 கோடி பேர் பள்ளிக் கல்விக்கு முந்தைய அனுபவத்தைக் கொண்டிருந்தனர்.
  • 2024–25 ஆம் கல்வியாண்டில், அடிப்படை, ஆரம்ப, இடைநிலை மற்றும் உயர்நிலை என அனைத்து கல்வி நிலைகளிலும் மாணாக்கர் சேர்க்கை தக்கவைப்பில் நேர்மறையான போக்கு காணப்படுகிறது.
  • முந்தைய ஆண்டை விட மாணாக்கர் சேர்க்கை தக்கவைப்பு விகிதங்கள் கணிசமாக மேம்பட்டுள்ளன, இது
    • அடிப்படை கல்வி மட்டத்தில் 98.0 சதவீதத்திலிருந்து 98.9% ஆகவும்,
    • ஆரம்ப நிலையில் 85.4 சதவீதத்திலிருந்து 92.4% ஆகவும்,
    • இடை நிலையில் 78.0 சதவீதத்திலிருந்து 82.8% ஆகவும்,
    • உயர் நிலையில் 45.6 சதவீதத்திலிருந்து 47.2% ஆகவும் அதிகரித்துள்ளது.
  • 2024–25 ஆம் கல்வியாண்டில் இடைநிலை மற்றும் உயர்நிலை மட்டங்களில் மொத்த சேர்க்கை விகிதத்தில் (GER) குறிப்பிடத்தக்க முன்னேற்றம் ஏற்பட்டுள்ளது.
  • 2023–24 ஆம் ஆண்டில் 89.5% ஆக இருந்த இடைநிலை அளவிலான GER  90.3% ஆகவும், உயர் நிலை மட்டத்தில் 66.5 சதவீதத்திலிருந்து 68.5% ஆகவும் உயர்ந்துள்ளது.
  • அடிப்படை நிலையிலிருந்து ஆரம்ப நிலை கல்வியிலான மாறுதல் விகிதம் 98.1% சதவீதத்திலிருந்து 98.6% ஆகவும், ஆரம்ப நிலை முதல் இடைநிலை கல்விக்கான மாறுதல் விகிதம் 88.8 சதவீதத்திலிருந்து 92.2% ஆகவும், இடைநிலையிலிருந்து உயர்நிலைக்கான மாறுதல் விகிதம் 83.3 சதவீதத்திலிருந்து 86.6% ஆகவும் மேம்பட்டுள்ளது.
  • ஒற்றை ஆசிரியர் மட்டுமே கொண்ட பள்ளிகள் முந்தைய ஆண்டை விட இந்த ஆண்டு சுமார் 6% குறைந்துள்ளன.
  • இதே போல், எந்தவொரு சேர்க்கை விகிதமும் கொண்ட பள்ளிகளின் எண்ணிக்கை சுமார் 38% ஆகக் குறைந்துள்ளது.
  • 2023–24 ஆம் ஆண்டில் 57.2% ஆக இருந்த கணினி அணுகல் உள்ள பள்ளிகளின் எண்ணிக்கையானது இந்த ஆண்டு 64.7% ஆக உயர்ந்துள்ளது.
  • முந்தைய ஆண்டில் 53.9% ஆக இருந்த இணைய இணைப்பு உள்ள பள்ளிகளின் சதவீதம் ஆனது 63.5% ஆக அதிகரித்துள்ளது.
  • இன்று, 93.6% பள்ளிகளில் மின்சாரம் உள்ளது, 97.3% பள்ளிகளில் பெண்கள் கழிப்பறைகள் உள்ளன, மற்றும் 96.2% பள்ளிகளில் ஆண்கள் கழிப்பறைகள் உள்ளன - இது அனைத்து மாணாக்கர்களுக்குமான கண்ணியம் மற்றும் சுகாதாரத்தை உறுதி செய்கிறது.
  • தற்போது 95.9% பள்ளிகளில் கை கழுவும் வசதிகள் உள்ளன என்பதோடு மேலும் பாதுகாப்பான குடிநீர் அணுகல் 99.3% அளவினை எட்டியுள்ளது.
  • தற்போது மொத்தக் கற்பித்தல் பணியாளர்களில்/ஆசிரியர்களில் பெண்கள் 54.2% பங்கினைக் கொண்டுள்ளதுடன், 2024–25 ஆம் கல்வியாண்டில் பெண் ஆசிரியர்களின் பிரதிநிதித்துவமும் அதிகரித்துள்ளது.

 


Post Views:
68

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்