TNPSC Thervupettagam
✖
 
20, Jun 2026
TNPSC Group I Topper Corner
தமிழ் English
தேடல்
அறிக்கைகள் மற்றும் குறியீடுகள்

WASH பிரிவுகள் பற்றிய உலக சுகாதாரம் மற்றும் குடிநீர் பற்றியப் பகுப்பாய்வு மற்றும் மதிப்பீட்டு அறிக்கை

December 20 , 2022 1278 days 751 0
  • உலக சுகாதாரம் மற்றும் குடிநீர் பற்றியப் பகுப்பாய்வு மற்றும் மதிப்பீட்டு (GLAAS) அறிக்கையினை உலக சுகாதார அமைப்பு மற்றும் ஐக்கிய நாடுகள் - தண்ணீர் வள அமைப்பு ஆகியவை இணைந்து வெளியிட்டன.
  • இந்த அறிக்கையானது, 121 நாடுகள் மற்றும் பிரதேசங்கள் மற்றும் 23 வெளிநாட்டு ஆதரவு பெறும் முகமைகள் ஆகியவற்றிலிருந்து குடிநீர், துப்புரவு மற்றும் சுகாதாரம் (WASH) பற்றியப் புதிய தரவுகளைத் தொகுக்கிறது.
  • அத்தியாவசிய குடிநீர், துப்புரவு மற்றும் சுகாதாரம் (WASH) ஆகிய துறை சார்ந்தப் பணிகளை மேலாண்மை செய்வதற்குப் போதுமான மனித வளங்களைப் பேணி வருவதாக மூன்றில் ஒரு பங்கிற்கும் குறைவான நாடுகள் தெரிவித்துள்ளன.
  • 45% நாடுகள் தங்கள் குடிநீர்ப் பாதுகாப்பு இலக்குகளை அடையும் பாதையில் செயல் படுகின்ற வேளையில் 25% நாடுகள் மட்டுமே தனது துப்புரவு சார்ந்த இலக்குகளை எட்டுகின்றன.
  • குடிநீர் மற்றும் துப்புரவிற்கான உதவி 2017 மற்றும் 2020 ஆகிய ஆண்டுகளுக்கு இடையில் 5.6% குறைந்துள்ளதோடு, மேலும் உதவி வழங்கப்படுவதற்கான புவியியல் சார்ந்த பரவல் இலக்குகளும் மாற்றப்பட்டுள்ளன.
  • ஆப்பிரிக்காவின் துணை-சஹாரா பகுதியில் குடிநீர், துப்புரவு மற்றும் சுகாதாரம் (WASH) ஆகிய துறைகளுக்கு வழங்கப்படும் உதவியின் விகிதம் 32 சதவீதத்திலிருந்து 23% ஆகக் குறைந்துள்ளது.
  • மத்திய மற்றும் தெற்கு ஆசிய நாடுகளில், இது 12 சதவீதத்திலிருந்து 20% ஆகவும், கிழக்கு மற்றும் தென்கிழக்கு ஆசிய நாடுகளில், 11 சதவீதத்திலிருந்து 20% ஆகவும் அதிகரித்துள்ளது.


Post Views:
751

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்