சுற்றுச்சூழல் செய்திகள்

அண்டார்டிக் பனிப்பரப்பு வரலாறு காணாத அளவில் சரிவு

October 15 , 2026 7 days 109 0

2026 ஆம் ஆண்டு செப்டம்பர் 14 அன்று அண்டார்டிக் கடல் பனிப்பரப்பு அதன் குளிர்கால அதிகபட்ச அளவில் செயற்கைக்கோள் பதிவுகளில் மூன்றாவது மிகக் குறைந்த அளவை எட்டியதுடன் இது சுமார் 17.59 மில்லியன் சதுர கிலோமீட்டர் பரப்பளவைக் கொண்டிருந்தது.
பனியின் பரப்பளவு நீண்டகாலச் சராசரியை விட சுமார் 1 மில்லியன் சதுர கிலோ மீட்டர் குறைவாக இருந்தது.
பதிவுகளில் உள்ள குளிர்கால கடல் பனியின் மிகக் குறைந்த நான்கு அதிகபட்ச அளவுகள் கடந்த நான்கு ஆண்டுகளில் நிகழ்ந்துள்ளன.
அண்டார்டிக் கடல் பனி வழக்கமாக செப்டம்பரில் அதன் அதிகபட்ச அளவையும் பிப்ரவரியில் அதன் குறைந்தபட்ச அளவையும் அடையும்.
செயற்கைக்கோள் பதிவுகள் 1978 ஆம் ஆண்டின் பிற்பகுதியில் தொடங்கின; கடல் பனிப் பரப்பை அளவிட அறிவியலாளர்கள் செயலற்ற நுண்ணலை உணரிகளைப் பயன்படுத்துகின்றனர்.
அண்டார்டிக் கடல் பனியானது 1979 முதல் 2014 ஆம் ஆண்டு வரை தசாப்தத்திற்கு சுமார் 1% அதிகரித்தது, ஆனால் 2016 ஆம் ஆண்டில் குறிப்பிடத்தக்க சரிவுகள் தொடங்கின.