தேசியச் செய்திகள்

ஆஜீவிகா திட்டம் (கிராமியம்) மசோதா, 2025

December 20 , 2025 14 hrs 0 min 11 0

இந்த மசோதாவானது, சுமார் இருபது ஆண்டுகளாக நடைமுறையில் இருந்த 2005 ஆம் ஆண்டு மகாத்மா காந்தி தேசிய ஊரக வேலைவாய்ப்பு உத்தரவாதச் சட்டத்திற்கு (MGNREGA) மாற்றாக முன் வைக்கப்பட்டுள்ளது.
விக்ஸித் பாரத் 2047 (வளர்ச்சி பெற்ற இந்தியா) தொலைநோக்குக் கொள்கையுடன் ஒருங்கிணைந்த நவீன காலச் சட்டத்தை உருவாக்குவதற்காக மத்திய வேளாண்துறை அமைச்சரால் இது அறிமுகப்படுத்தப்பட்டது.
திறம் சாரா உடல் உழைப்பைச் செய்யும் வயது வந்தோருக்கு, கிராமப்புறக் குடும்பத்திற்கு வழங்கப்படும் உத்தரவாதமான கூலி சார் வேலைவாய்ப்பு ஆனது 100 நாட்களில் இருந்து 125 நாட்களாக அதிகரிக்கப்படுகிறது.
MGNREGA திட்டத்தின் கீழ், இந்தச் சட்டம் 100 நாட்களுக்குக் குறையாமல் வேலை வாய்ப்பு உத்தரவாதம் அளிக்கிறது, மேலும் வறட்சியின் போது அல்லது சில பழங்குடிப் பகுதிகளுக்கு மட்டுமே கூடுதல் நாட்கள் அனுமதிக்கப்பட்டன.
இந்த மசோதா முக்கிய விதைப்பு காலம் மற்றும் அறுவடைக் காலங்களில் 60 நாட்கள் அளவிலான வேளாண் நடவடிக்கை இடைநிறுத்தத்தை அறிமுகப்படுத்துகிறது.
வேளாண்சார் இடைநிறுத்தத்தின் நோக்கம் வேளாண் நடவடிக்கைகளுக்கு தொழிலாளர் வளம் கிடைப்பதை உறுதி செய்வதாகும்.
MGNREGA திட்டத்தின் கீழ், மத்திய அரசு 100 சதவீத திறம் சாரா கூலியையும், 75 சதவீதப் பொருள் செலவுகளையும் செலுத்தியது, இதன் விளைவாக 90:10 பங்கிலான மத்திய - மாநில நிதி முறை உருவானது.
புதிய திட்டம் வடகிழக்கு மற்றும் இமயமலை மாநிலங்களுக்கு 90:10 பங்கிலான நிதி உதவியுடன், பிற மாநிலங்களுக்கு 60:40 நிதியுதவியுடன், சட்டமன்றங்கள் இல்லாத ஒன்றியப் பிரதேசங்களுக்கு 100 சதவீத மத்திய அரசின் நிதியுதவியுடன் மத்திய அரசின் நிதியுதவி பெறும் திட்டமாக (CSS) செயல்படுகிறது.
தேவை அடிப்படையிலான, பொதுவான MGNREGA, தேவையின் அடிப்படையில் நிதி ஒதுக்கீட்டினை அதிகரிக்க அனுமதித்தது.
புதிய மசோதா, அதன் அமலாக்கத்திற்காக ஒரு மாநிலத்தில் குறிப்பிட்ட கிராமப்புறப் பகுதிகளை மத்திய அரசு அறிவிக்க அனுமதிக்கிறது.
இந்த மசோதா, விக்ஸித் பாரத் தேசிய கிராமப்புற உள்கட்டமைப்பு அடுக்கை உருவாக்குவதை கட்டாயமாக்குகிறது.
இந்தத் திட்டத்தின் கீழ் உள்ள அனைத்துப் பணிகளும் இந்த ஒற்றைத் தேசிய உள் கட்டமைப்பு கட்டமைப்பின் கீழ் ஒன்றிணைக்கப்படும்.
இந்தக் கட்டமைப்பு விக்சித் கிராமப் பஞ்சாயத்து திட்டங்களை பிரதான் மந்திரி (பிரதமர்) கதி சக்தி தேசிய பெருந்திட்டத்துடன் ஒருங்கிணைக்கிறது.
பணிகள் ஆனது நீர்ப் பாதுகாப்பு, முக்கிய கிராமப்புற உள்கட்டமைப்பு, வாழ்வாதாரம் தொடர்பான உள்கட்டமைப்பு மற்றும் பேரிடர் தணிப்பு ஆகிய நான்கு பகுதிகளாக தொகுக்கப் பட்டுள்ளன.
இந்த மசோதா தொழிலாளர்களுக்கு உயிரியளவியல் சார் வருகைப் பதிவை கட்டாயமாக்குகிறது.
இது செயற்கை நுண்ணறிவு (AI) அடிப்படையிலான மோசடி கண்டறிதல், புவியிடங் காட்டி அமைப்பு (GPS) சார்ந்த பணியிடக் கண்காணிப்பு மற்றும் திட்டத்தின் தரவை வாராந்திர அடிப்படையில் வெளியிடுதல் ஆகியவற்றையும் சட்டப்படியாக கட்டாயம் ஆக்குகிறது.