TNPSC Thervupettagam
✖
 
22, Aug 2025
TNPSC Group I Topper Corner
தமிழ் English
தேடல்
தேசியச் செய்திகள்

ஆத்ம நிர்பர் பாரத் அபியான்

May 16 , 2020 1924 days 1426 0
  • இந்தியப் பிரதமர் மோடி தற்சார்பு இந்தியா என்ற நிலையை அடைவதற்காக ரூ.20 இலட்சம் கோடி மதிப்பிலான ஒரு சிறப்புப் பொருளாதாரத் தொகுப்பினை அறிவித்துள்ளார்.
  • இந்தப் பொருளாதாரத் தொகுப்பானது மொத்த உள்நாட்டு உற்பத்தியில்  10% ஆக உள்ளது.
  • இந்தப் புதிய பொருளாதாரத் தொகுப்பானது பொது முடக்கத்தின் காரணமாக மிகவும் பாதிப்படைந்த தொழிலாளர்கள், நடுத்தர வர்க்கத்தினர், விவசாயிகள் மற்றும் தொழிற்துறையினருக்கு நிவாரணம் அளிப்பதற்குப் பயன்படுத்தப்பட இருக்கின்றது.
  • இந்தப் பொருளாதாரத் தொகுப்பானது நிலம், தொழிலாளர், நிதிப் புழக்கம், சட்டம் மற்றும் உள்ளூர்த் தன்மை ஆகிய உற்பத்தி விநியோகச் சங்கிலியின் 5 முக்கியமான நிலைகளின் மீதான விவகாரங்களைக் களைய இருக்கின்றது.
  • இந்தத் பொருளாதாரத் தொகுப்பானது உள்நாட்டு விநியோகச் சங்கிலியை வலுப்படுத்துவதற்கு உதவுவதோடு மட்டுமல்லாமல் உள்நாட்டிலேயே உற்பத்தி செய்யப் படும் பொருட்களை நுகர்வதை ஊக்கப்படுத்தவும் பயன்பட இருக்கின்றது. 
  • இந்தப் புதிய திட்டத்தின் கீழ் மத்திய நிதித்துறை அமைச்சர் 15 பல்வேறு நடவடிக்கைகளை அறிவித்துள்ளார்.
  • இந்தத் திட்டமானது உள்நாட்டுப் பொருள்களுக்கான நுகர்வு என்பதின் மீதும் கவனம் செலுத்த இருக்கின்றது.
சிறப்பம்சங்கள்
  • மத்திய அரசானது முதலீடுகளின் வரம்பை அதிகப்படுத்தியதன் மூலம் சிறு, குறு மற்றும் நடுத்தர தொழிற்துறைகளின் (MSME – Micro Small Medium Enterprises) வரையறையை மாற்றியமைத்துள்ளது.
  • மேலும் இதற்கு முன்பு முதலீடுகள் மட்டுமே MSMEகளை வரையறுக்கப் பயன்படுத்தப் பட்டன.
  • தற்போது மாற்றியமைக்கப்பட்ட திருத்தத்தின் மூலம் முதலீடுகள் மற்றும் விற்றுமுதல் ஆகிய இரண்டும் MSMEகளை வரையறுக்கப் பயன்படுத்தப்பட இருக்கின்றன.
  • ஒரு நிறுவனம் MSME வகையின் கீழ் வர வேண்டும் என்றால் அந்நிறுவனம் முதலீடு மற்றும் விற்றுமுதல் ஆகிய 2 நிபந்தனையையும் பூர்த்தி செய்திருக்க வேண்டும்.
  • மேலும், தற்போது புதிய வரையறையின்படி, உற்பத்தி மற்றும் சேவை என்பதை அடிப்படையாகக் கொண்ட MSME நிறுவனங்களுக்கான வகையீடானது நீக்கப் பட்டுள்ளது.

  • MSME துறைக்காக பிணைத் தொகை அற்ற வகையில் ரூ. 3 இலட்சம் கோடி கடன் தொகையானது (Collateral free) ஒதுக்கப் பட்டுள்ளது.
  • இந்த வசதியானது ரூ. 25 கோடியிலான செலுத்தப்படாத கடன்களைக் கொண்ட நிறுவனங்கள் அல்லது ரூ.100 கோடியை வருடாந்திர விற்று முதலாகக் கொண்டுள்ள நிறுவனங்களுக்கும் சேர்த்து  நீட்டிக்கப் பட்டுள்ளது.
  • அசல் தொகை மீதான கடன் நிறுத்தி வைப்புக் காலமாக 12 மாதங்களுடன் சேர்த்து கடன் திருப்பிச் செலுத்தும் காலம் 4 ஆண்டுகளாக உள்ளது.
  • வட்டித் தொகையானது உச்ச வரம்பு நிர்ணயிக்கப்பட்டதாக இருக்கும். 
  • இக்கடன்களுக்கு எந்தவொரு உத்தரவாதக் கட்டணமும் செலுத்த வேண்டியதில்லை. எனினும், 100% கடன் உத்தரவாதப் பிணையானது வங்கிகள் மற்றும் வங்கி சாரா நிதி நிறுவனங்களுக்கு அசல் மற்றும் வட்டி ஆகிய இரண்டின் மீதும் வழங்கப்படும்.
  • ரூ. 200 கோடி வரையிலான அரசாங்க ஒப்பந்தங்களுக்கு (அரசு கொள்முதல்) இனிமேல் உலகளாவிய ஒப்பந்ததாரர்கள் அனுமதிக்கப்பட மாட்டார்கள்.
  • மூலாதாரத்திலிருந்து வரிப் பிடித்தம் மற்றும் மூலாதாரத்திலிருந்து வரி வசூல் ஆகிய விகிதங்கள் 25% என்ற அளவில் குறைக்கப்பட உள்ளன.
  • இது 2021 ஆம் ஆண்டு மார்ச் மாதம் வரை தொடரும்.
  • விவாத் சே விஸ்வாஸ் என்ற திட்டத்தின் கால வரம்பானது 2020 ஆம் ஆண்டு டிசம்பர் 31 வரை நீட்டிக்கப் பட்டுள்ளது.
  • தற்பொழுது தொழிலாளர் வைப்பு நிதித் திட்டத்தின் கீழ், பங்களிப்பானது 12% தொழிலாளியினாலும் 12% ஆனது முதலாளியினாலும் பங்களிக்கப் படுகின்றது.
  • அடுத்த 3 மாதங்களுக்கு, தனியார் நிறுவன முதலாளிகள் மற்றும் பணியாளர்கள் 10% மட்டுமே செலுத்த வேண்டும்.

Post Views:
1426

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்