TNPSC Thervupettagam
✖
 
15, Aug 2025
TNPSC Group I Topper Corner
தமிழ் English
தேடல்
தேசியச் செய்திகள்

இந்திய மீன் உற்பத்தி

August 6 , 2025 9 days 36 0
  • சீனாவிற்கு அடுத்தபடியாக இரண்டாவது பெரிய மீன் உற்பத்தி செய்யும் நாடாக இந்தியா உள்ளது.
  • உலகளாவிய மீன் உற்பத்தியில் இந்தியா சுமார் 8% பங்கைக் கொண்டுள்ளது.
  • இந்தியாவின் நதிசார்/உள்நாட்டு மீன் உற்பத்தி மொத்த மீன் உற்பத்தியில் சுமார் 75% ஆகும்.
  • நதிசார்/உள்நாட்டு மீன்வளத் துறையானது நாட்டில் பெரும்பாலும் மாநில அரசுகளின் பொறுப்பில் உள்ளது.
  • கடல் சார் மீன் வளத் துறை ஆனது மத்திய மற்றும் கடலோர மாநில அரசுகளுக்கு இடையே பகிரப்பட்டப் பொறுப்பாக உள்ளது.
  • மீன்வளம் ஆனது தேசிய மொத்த மதிப்புக் கூட்டலில் (GVA) சுமார் 1.12 சதவீதமாகும்.
  • மேலும் இது வேளாண்மையின் மொத்த மதிப்புக் கூட்டலில் 7.26 சதவீதத்தைக் கொண்டுள்ளது.
  • இந்தியாவின் கடல் சார் மீன் பிடிப்பு 2024 ஆம் ஆண்டில் இரண்டு சதவீதம் குறைந்து 3.47 மில்லியன் டன்களாக இருந்தது.
  • இது கொச்சியில் உள்ள மத்திய கடல்சார் மீன் வள ஆராய்ச்சி நிறுவனத்தினால் (CMFRI) வழங்கப்பட்ட தகவல் ஆகும்.
  • குஜராத் மாநிலத்தில் இந்த ஆண்டு 754,000 டன்கள் என்ற அளவில் அதிக அளவு மீன் பிடிப்பு பதிவாகியுள்ளது.
  • அதைத் தொடர்ந்து முறையே தமிழ்நாடு 679,000 டன்களுடன் மற்றும் கேரளா 610,000 டன்களுடன் இடம்பெற்றுள்ளன.
  • இந்திய கானாங்கெளுத்தி இனமானது, இந்த மீன் பிடிப்புப் பட்டியலில் சுமார் 263,000 டன்களுடன் முதலிடத்திலும், எண்ணெய் மத்தி மீன் பிடிப்பு சுமார் 241,000 டன்களுடன் இரண்டாவது இடத்திலும் உள்ளது.
  • மகாராஷ்டிரா மற்றும் ஆந்திரப் பிரதேசம் தவிர, மேற்கு கடற்கரைப் பகுதியில் ஒட்டு மொத்தமாக மீன் பிடிப்பு குறைந்தாலும், கிழக்கு கடற்கரையில் அது அதிகரித்து வரும் போக்கு காணப்பட்டது.
  • முந்தைய ஆண்டை விட மகாராஷ்டிராவில் 47 சதவீத வளர்ச்சிப் பதிவாகியுள்ளது.
  • மேற்கு வங்காளம், தமிழ்நாடு மற்றும் ஒடிசா ஆகியன முறையே 35 சதவீதம், 20 சதவீதம் மற்றும் 18 சதவீதம் என்ற அளவுகளில் குறிப்பிடத்தக்க அதிகரிப்பைக் கண்டன.
  • டானா, ஃபெங்கல், ரெமால் மற்றும் அஸ்னா போன்ற புயல்கள் பெருமளவில் மீன்பிடி நடவடிக்கைகளைக் கணிசமாகப் பாதித்தன.
  • ஆந்திரப் பிரதேசம் மற்றும் கேரளாவில் அதிகரித்த வெப்ப அலை நாட்கள் மீன்பிடி நடவடிக்கைகளை மேலும் பாதித்தன.
  • இந்தியாவில் கடல் சார் மீன் உற்பத்தி செய்யும் மிகப்பெரிய மாநிலமாக ஆந்திரப் பிரதேசம் உள்ளது.
  • நாட்டில் கடல் சார் மீன் உற்பத்தி செய்யும் இரண்டாவது பெரிய மாநிலமாக குஜராத் உள்ளது.
  • இந்தியாவில் மிகப்பெரிய அளவில் நதிசார் மீன் உற்பத்தி செய்யும் மாநிலமாகவும் ஆந்திரப் பிரதேசம் உள்ளது.
  • அதைத் தொடர்ந்து மேற்கு வங்காளம் இடம் பெற்றுள்ளது.


Post Views:
36

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்