TNPSC Thervupettagam
✖
 
11, Oct 2025
TNPSC Group I Topper Corner
தமிழ் English
தேடல்
பொருளாதாரச் செய்திகள்

இந்திய ரிசர்வ் வங்கியின் ஒருங்கிணைந்த குறைதீர்ப்பாளர் திட்டம்

October 11 , 2025 13 hrs 0 min 12 0
  • இந்திய ரிசர்வ் வங்கியானது (RBI) 2025 ஆம் ஆண்டு அக்டோபர் 08 ஆம் தேதியன்று மத்திய மற்றும் மாநிலக் கூட்டுறவு வங்கிகளை இந்திய ரிசர்வ் வங்கியின் 2021 ஆம் ஆண்டு ஒருங்கிணைந்த குறைதீர்ப்பாளரின் திட்டத்தின் (RB-IOS, 2021) கீழ் கொண்டு வந்தது.
  • 1949 ஆம் ஆண்டு வங்கி ஒழுங்குமுறைச் சட்டத்தின் 35Aவது பிரிவின் கீழ் இந்த முடிவு மேற்கொள்ளப்பட்டது.
  • RB-IOS, 2021 ஆனது, ஒழுங்குபடுத்தப்பட்ட நிறுவனங்களின் வாடிக்கையாளர்களுக்கு விரைவான, செலவு குறைந்த மற்றும் மாற்றுக் குறை தீர்ப்பு நெறிமுறையை வழங்குகிறது.
  • இந்தத் திட்டமானது, முதலில் 50 கோடி ரூபாய் அல்லது அதற்கு மேற்பட்ட வைப்புத் தொகைகளைக் கொண்டிருந்த அனைத்து வணிக வங்கிகள், பிராந்திய கிராமப்புற வங்கிகள், பட்டியலிடப்பட்ட மற்றும் பட்டியலிடப்படாத முதன்மை (நகர்ப்புற) கூட்டுறவு வங்கிகளை உள்ளடக்கியதாக இருந்தது.
  • இதில் 100 கோடி ரூபாய் அல்லது அதற்கு மேற்பட்ட சொத்துக்கள் மற்றும் வாடிக்கையாளர் ஈடுபாடுகள் கொண்ட வங்கி அல்லாத நிதி நிறுவனங்களும்/NBFC (வீட்டுக் கடன் நிறுவனங்கள் தவிர) அடங்கும்.
  • 2007 ஆம் ஆண்டு பணம் செலுத்துதல் மற்றும் தீர்வு அமைப்புகள் சட்டத்தின் கீழ் உள்ள ஓர் அமைப்பின் ஒப்பந்தம் சார் பங்கேற்பு நிறுவனங்கள் மற்றும் கடன் தகவல் நிறுவனங்களும் இதில் அடங்கும்.
  • RB-IOS, 2021 ஆனது முன்னதாக உள்ள மூன்று திட்டங்களை ஒன்றிணைத்தது:
    • வங்கி அமைப்பின் குறைதீர்ப்புத் திட்டம், 2006;
    • NBFC குறைதீர்ப்புத் திட்டம், 2018; மற்றும்
    • டிஜிட்டல் பரிவர்த்தனைகள் குறைதீர்ப்புத் திட்டம், 2019.
  • இந்தத் திட்டமானது, 'ஒரு நாடு ஒரு குறைதீர்ப்புத் திட்டம்' கொள்கையைப் பின்பற்றுகிறது".
  • குறைதீர்ப்பாளர் 20 லட்சம் ரூபாய் வரை இழப்பீடு வழங்க முடியும் என்பதோடு மேலும் புகார்தாரரின் நேர விரயம், செலவினங்கள் அல்லது மன உளைச்சலுக்காக 1 லட்சம் ரூபாய் வரை இழப்பீடு வழங்க முடியும்.

 


Post Views:
12

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்