சர்வதேசச் செய்திகள்

இந்தியா-உஸ்பெகிஸ்தான் யுரேனிய ஒப்பந்தம்

September 6 , 2026 9 days 81 0

அணுசக்தி பாதுகாப்பை வலுப்படுத்தும் வகையில் உஸ்பெகிஸ்தானுடன் நீண்ட கால யுரேனியம் விநியோக ஒப்பந்தத்தை இறுதி செய்ய இந்தியா முடிவு செய்துள்ளது.
உலகின் யுரேனியத்தில் கிட்டத்தட்ட 6.6% உஸ்பெகிஸ்தான் உற்பத்தி செய்கிறது, இது இந்தியாவின் அணுசக்தி எரிபொருள் தேவைகளுக்கு ஒரு முக்கிய ஆதாரமாக உள்ளது.
இந்தியா தற்போது 8.78 ஜிகாவாட் (GW) திறன் கொண்ட 24 அணுமின் உலைகளை இயக்கி வருகிறது, மேலும் 2047 ஆம் ஆண்டிற்குள் 100 GW அணுசக்தி திறனை அடைவதை இலக்காகக் கொண்டுள்ளது.
உலகின் மிகப்பெரிய யுரேனியம் உற்பத்தியாளரான கஜகஸ்தானுடன் இந்தியா ஏற்கனவே நீண்ட கால யுரேனியம் விநியோக ஒப்பந்தத்தைக் கொண்டுள்ளது.
கனடாவைச் சேர்ந்த கேம்கோ (Cameco) நிறுவனம் 2027 மற்றும் 2035 ஆம் ஆண்டுகளுக்கு இடையில் சிவிலியன் அணுசக்திக்காக சுமார் 22 மில்லியன் பவுண்டுகள் யுரேனியம் தாது செறிவை இந்தியாவிற்கு வழங்கும்.
2015 ஆம் ஆண்டு ஆஸ்திரேலியா-இந்தியா அணுசக்தி ஒத்துழைப்பு ஒப்பந்தத்தின் கீழ் ஆஸ்திரேலிய யுரேனியத்தை இந்தியாவிற்கு அமைதியான முறையில் ஏற்றுமதி செய்வதற்கான ஏற்பாடுகளையும் இந்தியாவும் ஆஸ்திரேலியாவும் இறுதி செய்து உள்ளன.