TNPSC Thervupettagam
✖
 
03, Aug 2025
TNPSC Group I Topper Corner
தமிழ் English
தேடல்
தேசியச் செய்திகள்

இந்தியா - ஐக்கியப் பேரரசு தடையற்ற வர்த்தக ஒப்பந்தம்

July 28 , 2025 6 days 39 0
  • 2025 ஆம் ஆண்டு ஜூலை மாதம் கையெழுத்தான இந்தியா-ஐக்கியப் பேரரசு தடையற்ற வர்த்தக ஒப்பந்தம் (FTA) ஆனது 2030 ஆம் ஆண்டிற்குள் இருதரப்பு வர்த்தகத்தினை இரட்டிப்பாக்கி 120 பில்லியன் டாலராக உயர்த்துவதை நோக்கமாகக் கொண்டுள்ளது.
  • இந்த ஒப்பந்தமானது, ஐக்கியப் பேரரசிற்கான இந்திய ஏற்றுமதிகளில் 99% மீதான வரிகளை நீக்குகிறது மற்றும் பத்து ஆண்டுகளுக்குள் 85% பொருட்களுக்கு வரி விலக்கு அளிக்கப்படுவதுடன் இந்தியாவிற்கு இறக்குமதி செய்யப்படும் 90% ஐக்கியப் பேரரசு பொருட்களின் மீதான வரிகளைக் குறைக்கிறது.
  • இது இந்தியாவின் ஏற்றுமதியை ஆண்டுதோறும் 5 பில்லியன் டாலர் அதிகரிக்கும் என்று எதிர்பார்க்கப்படுகிறது.
  • பல இந்தியத் தயாரிப்புகள் மீதான 4% முதல் 70% வரையிலான வரிகளை ஐக்கியப் பேரரசு நீக்கியது.
  • இது குறிப்பாக குஜராத், மகாராஷ்டிரா, தமிழ்நாடு, உத்தரப் பிரதேசம் மற்றும் மேற்கு வங்காளம் போன்ற மாநிலங்களில் உள்ள கிராமப்புற மற்றும் சிறு தொழில்களை ஆதரிக்கும்.
  • இந்த ஒப்பந்தமானது, ஜவுளி ஏற்றுமதியில் மட்டும் 5 பில்லியன் டாலர் லாபம் கிடைக்கும் என்ற எதிர்பார்ப்புடன் வங்காளதேசம் மற்றும் வியட்நாம் போன்ற போட்டி நாடுகளுக்கு எதிராக இந்திய ஜவுளி மற்றும் ஆயத்த ஆடைகள் துறையின் போட்டித் தன்மையை அதிகரிக்கிறது.
  • சுமார் 16% வரை வரிகளை நீக்குவதன் மூலம் தோல் பொருட்கள் மற்றும் காலணி ஏற்றுமதிகள் அதிகரிக்கும்.
  • இரத்தினக் கற்கள் மற்றும் நகை ஏற்றுமதிகள் வரிகள் இல்லாமல் மேற்கொள்ளப் படுகின்றன.
  • பொறியியல் பொருட்கள், வாகனக் கூறுகள், இயந்திரக் கூறுகள் மற்றும் கரிம ரசாயனங்கள் ஆகியவை வரி நீக்கத்தால் பயனடைகின்றன.
  • இந்த ஒதுக்கீட்டின் கீழ் வாகனங்களுக்கான/ஆட்டோமொபைல்களுக்கான வரிகள் 100 சதவீதத்திற்கும் அதிகமாக இருந்த நிலையில் இருந்து 10% ஆகக் குறைக்கப் பட்டு உள்ளன என்பதோடு இது இந்திய வாகன பாகங்கள் மற்றும் இயந்திர ஏற்றுமதிகளுக்கு உதவுகிறது.
  • இறால் மற்றும் உறைந்த/பதப்படுத்தப்பட்ட இறால் போன்ற கடல்சார் பொருட்களின் ஏற்றுமதிகள் வரிகள் இல்லாமல் இயங்குகின்றன என்பதோடு இது 5.4 பில்லியன் டாலர் மதிப்பிலான ஐக்கியப் பேரரசு சந்தைக்கு வாய்ப்பளித்து கேரளா, ஆந்திரப் பிரதேசம் மற்றும் ஒடிசாவில் உள்ள கடலோரச் சமூகங்களுக்குப் பயனளிக்கிறது.
  • வேளாண்மை மற்றும் பதப்படுத்தப்பட்ட உணவுகள் ஆனது 95% பொருட்களுக்கு வரி இல்லாத அணுகலைப் பெறுகின்றன.
  • ஐக்கியப் பேரரசு ஆனது 99.3% விலங்கு பொருட்கள், 100% கடல் சார் பொருட்கள் மற்றும் இரசாயனங்கள், நெகிழிகள், மின் இயந்திரங்கள் மற்றும் அடிப்படை உலோகங்கள் போன்ற முக்கியத் தொழில்துறைப் பொருட்களுக்கான வரிகளை நீக்குகிறது, சந்தை அணுகலை விரிவுபடுத்துகிறது மற்றும் வர்த்தகச் செலவுகளைக் குறைக்கிறது.

 


Post Views:
39

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்