TNPSC Thervupettagam
✖
 
30, Jul 2025
TNPSC Group I Topper Corner
தமிழ் English
தேடல்
தேசியச் செய்திகள்

இந்தியா மற்றும் ஐக்கியப் பேரரசு - தொலைநோக்குக் கொள்கை 2035

July 29 , 2025 10 hrs 0 min 15 0
  • ஐக்கியப் பேரரசு மற்றும் இந்தியாவின் பிரதமர்கள் 2035 ஆம் ஆண்டு இந்தியா- ஐக்கியப் பேரரசு தொலைநோக்குத் திட்டத்தினை இலண்டனில் வெளியிட்டனர்.
  • இந்தத் திட்டமானது வர்த்தகம், தொழில்நுட்பம், பாதுகாப்பு, கல்வி மற்றும் பருவநிலை ஆகியவற்றில் ஒத்துழைப்பை வலுப்படுத்துவதற்கான 10 ஆண்டு காலத் திட்டமாகும்.
  • விரிவான பொருளாதார மற்றும் வர்த்தக ஒப்பந்தம் (CETA) எனப்படும் இந்தியா- ஐக்கியப் பேரரசு தடையற்ற வர்த்தக ஒப்பந்தத்தில் (FTA) கையெழுத்திட்ட உடனேயே இந்த அறிவிப்பு வெளிவந்தது.
  • 2030 ஆம் ஆண்டிற்குள் இரு நாடுகளுக்கும் இடையிலான வர்த்தகத்தினை சுமார் 56 பில்லியன் அமெரிக்க டாலர்களிலிருந்து சுமார் 100 பில்லியன் அமெரிக்க டாலர்களாக அதிகரிப்பதே FTA ஒப்பந்தத்தின் நோக்கமாகும்.
  • 2035 ஆம் ஆண்டு தொலைநோக்குத் திட்டமானது, தெளிவான காலக்கெடுவையும், முன்னேற்றத்தைக் கண்காணிக்க வழக்கமான மதிப்பாய்வுகளையும் அமைக்கிறது.
  • இந்தியாவும் ஐக்கியப் பேரரசும் புதுப்பிக்கத்தக்க எரிசக்தி, சுகாதாரம், நிதிச் சேவைகள், பாதுகாப்பு உற்பத்தி மற்றும் படைப்பாக்கத் தொழில்களில் மிகுந்த ஒத்துழைப்பை அதிகரிக்கும்.
  • ஐக்கியப் பேரரசு - இந்தியா நிதிக் கூட்டாண்மை உட்பட வணிகப் பேச்சு வார்த்தைகளை ஊக்குவிக்கவும், உள்கட்டமைப்பு முதலீடுகளை ஆதரிக்கவும் இந்த இரு நாடுகளும்  தளங்களை உருவாக்க உள்ளன.
  • ஐக்கியப் பேரரசு-இந்தியா செயற்கை நுண்ணறிவு (AI) மையத்தை நிறுவும் திட்டங்களுடன் புதுமையில் முக்கியக் கவனம் செலுத்தப் படுகிறது.
  • துளிமக் கணினி, இணையவெளிப் பாதுகாப்பு, உயிரி தொழில்நுட்பம், குறைக் கடத்திகள் மற்றும் விண்வெளி ஆராய்ச்சி ஆகியவற்றில் இரு நாடுகளும் இணைந்து செயல்படும்.
  • இந்த முயற்சிகள் அறிவியல் மற்றும் புத்தாக்கச் சபையினால் வழி நடத்தப் படும்.
  • ஹைட்ரஜன், மின் கலத் தொழில்நுட்பம், கார்பன் பிடிப்பு, கடற்கரைக் காற்று மற்றும் சிறிய அணு உலைகள் போன்ற சுத்தமான எரிசக்தித் திட்டங்களில் இரு நாடுகளும் ஒத்துழைக்கும்.
  • இந்த முன்னெடுப்புகள் நிகரச் சுழிய புத்தாக்கக் கூட்டாண்மையின் ஒரு பகுதியாகும்.
  • உலக வர்த்தக அமைப்பில் (WTO) உலகளாவிய வர்த்தக விதிகளைச் சீர்திருத்துவதில் இந்தியாவும் ஐக்கியப் பேரரசும் இணைந்து செயல்படும்.
  • விமானப் போக்குவரத்து இணைப்புகளை மேம்படுத்தவும், நாடுகளுக்கு இடையே வரி வெளிப்படைத்தன்மையை அதிகரிக்கவும் அவை திட்டமிட்டுள்ளன.
  • ஐக்கியப் பேரரசின் கார்பன் எல்லை இணக்க முறைமையிலிருந்து (CBAM) இந்தியா விலக்கு பெறவில்லை.
  • 2027 ஆம் ஆண்டு ஜனவரி மாதம் முதல், எஃகு மற்றும் அலுமினியம் போன்ற அதிக கார்பன் உமிழ்வு கொண்ட இறக்குமதிகளுக்கு CBAM வரி விதிக்கும்.
  • இது சுமார் 775 மில்லியன் டாலர் மதிப்புள்ள இந்திய ஏற்றுமதிகளைப் பாதிக்கலாம்.


Post Views:
15

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்