TNPSC Thervupettagam
✖
 
11, Aug 2025
TNPSC Group I Topper Corner
தமிழ் English
தேடல்
தேசியச் செய்திகள்

இந்தியாவின் அறிவுசார் சொத்துத் தாக்கல்கள் 2020-2025

July 27 , 2025 15 days 39 0
  • கடந்த ஐந்து ஆண்டுகளில் அறிவுசார் சொத்துத் தாக்கல்களில் இந்தியா கணிசமாக 44% அதிகரிப்பைக் கண்டுள்ளது.
  • இது முதன்மையாக உத்தி சார் கொள்கைச் சீர்திருத்தங்கள் மற்றும் வர்த்தகம் மற்றும் தொழில்துறை அமைச்சகத்தினால் மேற்கொள்ளப்பட்ட விரிவான எண்ணிம மயமாக்கல் முன்னெடுப்புகளால் உந்தப்பட்ட ஒரு மேம்பாடாகும்.
  • இந்தியக் குடிமக்களிடமிருந்து பெறப்பட்ட மொத்த அறிவுசார் சொத்துத் தாக்கல்களுக்கான விண்ணப்பங்களின் எண்ணிக்கை 2020-21 ஆம் ஆண்டில் 477,533 என்ற அளவிலிருந்து 2024-25 ஆம் ஆண்டில் 689,991 ஆக அதிகரித்தது.
  • புவிசார் குறியீடுகள் (GI) மேற்கொண்டப் பதிவுகள் சுமார் 380% என்ற அளவிற்கு உயர்ந்த நிலையில் அது குறிப்பிடத்தக்க வளர்ச்சியைக் காட்டியது.
  • அதைத் தொடர்ந்து வடிவமைப்புகள் (266%), காப்புரிமைகள் (180%), பதிப்புரிமைகள் (83%), வர்த்தக முத்திரைகள் (28%), மற்றும் குறைக் கடத்திகள் ஒருங்கிணைந்தச் சுற்றுகள் தளவமைப்பு-வடிவமைப்புகள் (SILCLD) (20%) ஆகியன உள்ளன.
  • முக்கியச் சீர்திருத்தங்களில் அறிவுசார் சொத்துக்களுக்கான சட்டங்கள் மற்றும் அதன் விதிகளை எளிமைப்படுத்துதல், காப்புரிமை ஆவணங்களைக் கட்டாயமாக மின்னணு முறையில் சமர்ப்பித்தல் மற்றும் இயங்கலை வழி காப்புரிமைத் தாக்கல்களுக்கான 10% கட்டணக் குறைப்பு ஆகியவை அடங்கும்.
  • காப்புரிமைகளுக்கான தேர்வு காலம் 31 மாதங்களாகக் குறைக்கப்பட்டுள்ளது, மேலும் 'காப்புரிமைகளின் செயல்பாட்டு அறிக்கைகளை' தாக்கல் செய்வதற்கான காலக் கெடு தற்போது மூன்று ஆண்டுகளுக்கு ஒரு முறை ஆகும்.
  • 'IP Sarthi Chatbot' மற்றும் தேசிய அறிவுசார் சொத்து விழிப்புணர்வுத் திட்டம் (NIPAM) போன்ற முன்னெடுப்புகள் அறிவுசார் சொத்து மீதான விழிப்புணர்வை மேலும் வலுப்படுத்தியுள்ளன.
  • இன்று வரை, 697 புவிசார் குறியீடுகள் வெற்றிகரமாகப் பதிவு செய்யப் பட்டுள்ளன.


Post Views:
39

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்