தேசியச் செய்திகள்

இந்தியாவின் விளையாட்டு இயக்கத்தின் சீரமைப்பு

August 4 , 2026 21 hrs 0 min 46 0

இந்தியாவின் விளையாட்டுச் சூழலை வலுப்படுத்தும் வகையில், சீரமைக்கப்பட்ட கேலோ இந்தியா திட்டம் மற்றும் தேசிய விளையாட்டு கூட்டமைப்புகளுக்கான மேம்படுத்தப்பட்ட உதவி (ANSFs) திட்டத்திற்கு மத்திய அமைச்சரவை ஒப்புதல் அளித்துள்ளது.
இத்திட்டம் 2026-27 ஆம் நிதியாண்டு (FY) முதல் 2030-31 ஆம் நிதியாண்டு வரை மொத்தம் ₹36,441 கோடி நிதி ஒதுக்கீட்டில் செயல்படுத்தப்படும்.
இளைஞர் விவகாரங்கள் மற்றும் விளையாட்டு அமைச்சகத்தால் 2016-17 ஆம் ஆண்டில் தொடங்கப்பட்ட கேலோ இந்தியா திட்டம், அடிமட்ட அளவில் விளையாட்டுகளை மேம்படுத்துதல், திறமைகளை கண்டறிதல் மற்றும் விளையாட்டு உள்கட்டமைப்பை மேம்படுத்துதல் ஆகியவற்றை நோக்கமாகக் கொண்டுள்ளது.
இது ஆரம்பகால திறமை கண்டறிதல் மற்றும் தடகள மேம்பாட்டிற்காக வளர்ந்து வரும் கேலோ இந்தியா விளையாட்டு வீரர்கள் (E-KIAs), கேலோ இந்தியா ஃபீடர் பள்ளிகள் (KIFS) மற்றும் கேலோ இந்தியா உட்கிருஷ்ட வித்யாலயாக்களை (KIUV) அறிமுகப் படுத்துகிறது.
இத்திட்டம் தேசிய சிறப்பு மையங்கள் (NCOEs), கேலோ இந்தியா மாநில சிறப்பு மையங்கள் (KISCEs) மற்றும் இந்திய விளையாட்டு மேம்பாட்டு ஆணையத்தின் (SAI) பயிற்சி மையங்கள் (STCs) உள்ளிட்ட பயிற்சி மையங்களை வலுப்படுத்துகிறது.
பயிற்சித் தரத்தை மேம்படுத்தவும், விளையாட்டு வீரர்களைக் கண்காணிக்கவும் மற்றும் விளையாட்டு நிதி நிர்வாகத்தை மேம்படுத்தவும் தேசிய பயிற்சியாளர் அங்கீகார வாரியம் (NCAB) மற்றும் ஒருங்கிணைந்த டிஜிட்டல் விளையாட்டு தளத்தையும் இது நிறுவுகிறது.