சுற்றுச்சூழல் செய்திகள்

இந்தியாவில் IUCN செந்நிறப் பட்டியல் மதிப்பீடு

October 22 , 2026 14 hrs 0 min 23 0

IUCN கட்டமைப்பின் கீழ், இந்தியாவில் வசிக்கும் மற்றும் வலசை போகும் பறவைகள் உட்பட 1,211 பறவை இனங்களை இந்தியா மதிப்பீடு செய்யத் தொடங்கியுள்ளது.
இந்திய விலங்கியல் ஆய்வு மையம் (ZSI), IUCN SSC சென்டர் ஃபார் ஸ்பீசிஸ் சர்வைவல் இந்தியா-வைல்டு லைப் டிரஸ்ட் ஆஃப் இந்தியா மற்றும் ஸ்டேட் ஆஃப் இந்தியாஸ் பேர்ட்ஸ் (State of India’s Birds) முன்னெடுப்பு ஆகியவற்றால் இந்த மதிப்பீடு மேற்கொள்ளப்படுகிறது.
2026 ஆம் ஆண்டு அக்டோபர் 19 ஆம் தேதிக்குள் 107 சிற்றினங்களின் ஆரம்ப மதிப்பீடுகள் முடிக்கப்பட்டுள்ளன; அனைத்து இனங்கள் மீதான பணிகள் 2026 ஆம் ஆண்டின் இறுதிக்குள் முடிவடையும் என்றும், இறுதி மதிப்பீடுகள் 2027 ஆம் ஆண்டின் இறுதிக்குள் எதிர்பார்க்கப்படுகின்றன.
ஆரம்ப மதிப்பீடுகளில் கானமயில் (Great Indian Bustard) 'மிக அருகி வரும் இனம்' (Critically Endangered) என்றும், சாரஸ் கொக்கு (Sarus Crane) எளிதில் பாதிக்கப்படக்கூடிய இனம்' (Vulnerable) என்றும், மார்பிள்டு/பளிங்கு வாத்து (Marbled Duck) 'அருகி வரும் இனம்' (Endangered) என்றும் முன்மொழியப்பட்டுள்ளன. மேலும் இந்தப் பிரிவுகள் இறுதியானவை அல்ல.
IUCN செந்நிறப் பட்டியல் 1964 ஆம் ஆண்டில் நிறுவப்பட்டது.
இந்தியாவின் தேசிய செந்நிறப் பட்டியல் வழிகாட்டி வரைபடம் மற்றும் தொலைநோக்கு 2025-2030 (National Red List Roadmap and Vision 2025–2030) திட்டமானது 2030 ஆம் ஆண்டிற்குள் 11,000 க்கும் மேற்பட்ட தாவரங்கள், விலங்குகள் மற்றும் பூஞ்சை இனங்களை மதிப்பிடுவதை நோக்கமாகக் கொண்டுள்ளது.