தேசியச் செய்திகள்

இந்தியாவில் பசுமை ஹைட்ரஜன் மையங்கள்

September 15 , 2026 13 hrs 0 min 12 0

வேர்ல்ட் ரிசோர்சஸ் இன்ஸ்டிடியூட் (WRI) இந்தியாவின் ஆய்வின்படி, பசுமை ஹைட்ரஜன் மையங்களை உருவாக்குவதற்குத் தேவையான வளங்கள் அதிகம் கொண்ட மாநிலமாக குஜராத் கண்டறியப்பட்டுள்ளது.
புதுப்பிக்கத்தக்க ஆற்றல் கிடைப்பது மற்றும் ஹைட்ரஜன் நுகர்வோருக்கு அருகில் இருப்பது ஆகிய இரண்டும் பசுமை ஹைட்ரஜன் மையங்களை அமைப்பதற்கான மிக முக்கிய காரணிகளாக உள்ளன; நீர் கிடைப்பது மூன்றாவது இடத்தில் உள்ளது.
தேசிய பசுமை ஹைட்ரஜன் திட்டத்தின் கீழ், ₹19,744 கோடி மதிப்பீட்டில் 2030 ஆம் ஆண்டிற்குள் ஆண்டுக்கு 5 மில்லியன் மெட்ரிக் டன் (MMT) பசுமை ஹைட்ரஜனை உற்பத்தி செய்ய இந்தியா இலக்கு நிர்ணயித்துள்ளது.
வளங்கள் கிடைப்பதில் குஜராத் முதலிடத்திலும், ராஜஸ்தான் மற்றும் ஆந்திரப் பிரதேசம் அடுத்தடுத்த இடங்களிலும் உள்ளன; ராஜஸ்தானில் குறைந்த அளவு நீர் கிடைப்பது ஒரு முக்கியத் தடையாக உள்ளது.
விசாகப்பட்டினம், மங்களூரு, மும்பை, பாரதீப், சென்னை, பொகாரோ, தன்பாத், கோட்டா, காண்ட்வா மற்றும் கான்பூர் ஆகியவை முக்கிய ஆற்றல்மிக்க இடங்களாகக் கண்டறியப்பட்டுள்ளன.