தேசியச் செய்திகள்

இரத்த சோகை இல்லா பாரத (Anaemia Mukt Bharat) உத்திசார் திட்டம்

October 30 , 2026 14 hrs 0 min 39 0

இரத்த சோகைத் தடுப்பு, பரிசோதனை மற்றும் சிகிச்சை ஆகியவற்றை வலுப்படுத்தும் நோக்கில், 2026 ஆம் ஆண்டு ஜூன் மாதத்தில் இந்திய அரசாங்கம் அனீமியா முக்த் பாரத் (AMB) திட்டத்தை 7×7×7 உத்தியாகத் திருத்தியமைத்தது.
இத்திட்டம் 2018 ஆம் ஆண்டில் சுகாதாரம் மற்றும் குடும்ப நல அமைச்சகத்தால் தொடங்கப் பட்டது.
அனீமியா முக்த் பாரத் திட்டமானது குழந்தைகள், வளரிளம் பருவத்தினர் மற்றும் பெண்களிடையே இரத்த சோகையைக் குறைப்பதை நோக்கமாகக் கொண்டுள்ளது; அதன் பாரம்பரிய 6×6×6 உத்தியானது ஆறு பயனாளிகள் குழுக்கள், ஆறு தலையீடுகள் மற்றும் ஆறு நிறுவன வழிமுறைகளை உள்ளடக்கியது.
திருத்தப்பட்ட 7×7×7 உத்தியானது ஏழு பயனாளிகள் குழுக்கள், ஏழு தலையீடுகள் மற்றும் இரும்புச்சத்து மற்றும் போலிக் அமிலச் சேர்க்கை, பரிசோதனை மற்றும் சிகிச்சை, குடற்புழு நீக்கம், விழிப்புணர்வு மற்றும் டிஜிட்டல் கண்காணிப்பு உள்ளிட்ட ஏழு நிறுவன வழிமுறைகளை உள்ளடக்கியது.
இரட்டைச் செறிவூட்டப்பட்ட உப்பானது (DFS) இரும்புச்சத்து குறைபாட்டினால் ஏற்படும் இரத்த சோகை மற்றும் அயோடின் குறைபாட்டுக் கோளாறுகளைத் தடுக்க உதவும் இரும்பு மற்றும் அயோடின் ஆகிய தாதுக்களைக் கொண்டுள்ளது; அயோடின் இயல்பான தைராய்டு செயல்பாடு மற்றும் வளர்ச்சிக்கு உதவுகிறது.
இரத்த சோகை பாதிப்பானது இந்தியாவில் பாதிக்கும் மேற்பட்ட பெண்களையும், முக்கால்வாசி குழந்தைகளையும் பாதிக்கிறது; பெங்களூரு, டார்ஜிலிங், பஞ்சாப் மற்றும் உத்தரப் பிரதேசம் ஆகிய இடங்களில் நடத்தப்பட்ட ஆய்வுகளில் இரும்புச்சத்து நிலை மேம்பட்டுள்ளது தெரியவந்துள்ளது. மேலும் இரட்டைச் செறிவூட்டப்பட்ட உப்பு (DFS) இரத்த சோகையை 21% வரை குறைக்க முடியும் என உலகளாவிய ஆய்வு ஒன்று கண்டறிந்துள்ளது.
அரசுத் திட்டங்கள் நான்கு மாநிலங்களில் உள்ள சுமார் 76 மில்லியன் மக்களுக்கு DFS உப்பை விநியோகிக்கின்றன; எனினும் சுமார் 800 மில்லியன் மக்களுக்குச் சேவை செய்யும் பொது விநியோக முறையின் (PDS) மூலம் இது பரவலாக விநியோகிக்கப்படுவது சமமற்ற நிலையிலேயே உள்ளது.
இந்திய உணவுப் பாதுகாப்பு மற்றும் தர நிர்ணய ஆணையம் (FSSAI) DFS தரநிலைகளை வெளியிட்டுள்ளது; DFS உப்பானது இரும்புச்சத்து சேர்க்கை, உணவு மேம்பாடு மற்றும் தாலசீமியா மற்றும் அரிவாள் செல் நோய் போன்ற குறைபாடுகளுக்கான பரிசோதனைக்குத் துணையாகச் செயல்படுகிறது.