TNPSC Thervupettagam
✖
 
03, Aug 2025
TNPSC Group I Topper Corner
தமிழ் English
தேடல்
இதரச் செய்திகள்

இராஜேந்திர சோழனின் கங்கைப் படையெடுப்பு

August 1 , 2025 2 days 16 0
  • கி.பி 11 ஆம் நூற்றாண்டில் முதலாம் இராஜேந்திர சோழனின் வலிமை மிக்க படை கிழக்கு மற்றும் வட இந்தியாவின் பரந்த பகுதிகளைக் கடந்து பயணித்து சென்றது.
  • இராஜேந்திர சோழனே தலைமை தாங்கி கங்கைச் சமவெளியை நோக்கி சென்றதாக ஒரு நம்பிக்கை உள்ளது.
  • ஆனால் திருவாலங்காடு செப்புத் தகடுகளில் உள்ள கல்வெட்டுகள், மன்னரின் திறம் மிக்க தளபதிகளில் ஒருவர் கங்கை நோக்கிய ராணுவப் படையெடுப்புக்குத் தலைமை தாங்கியதை வெளிப்படுத்துகின்றன.
  • கோதாவரி நதிக்கரையிலேயே சோழ மன்னர் தங்கியிருந்தார்.
  • K.A. நீலகண்ட சாஸ்திரியின் சோழர்கள் (The Cholas), T.V. சதாசிவப் பண்டாரத்தாரின் பிற்காலச் சோழர் சரித்திரம் (பிற்காலச் சோழர்களின் வரலாறு) மற்றும் R.D. பானர்ஜியின் வங்காளத்தின் பாலர்கள் போன்ற வரலாற்றுப் படைப்புகள் அதை வெளிப்படுத்துகின்றன.
  • சோழப் படைகள் கிழக்கு தக்காணத்தில், கடலோர ஒடிசாவில் உள்ள ராஜ்யங்களைத் தோற்கடித்ததையும், இறுதியில் வங்காளத்தில் உள்ள பாலர் வம்சத்துடன் மோதியதையும் இந்தப் படைப்புகள் வெளிப்படுத்துகின்றன.
  • உண்மையான படையெடுப்பு ஆனது தெற்கில் உள்ள சோழர்களின் தலைநகரிலிருந்து அல்லாமல், கோதாவரி மற்றும் கிருஷ்ணா நதிகள் முழுவதும் பரவியிருந்த வெங்கி நாட்டின் வடகிழக்கில் இருந்து தொடங்கியது.
  • அந்த நேரத்தில் வெங்கி நாடு, சோழர்களுக்கு விசுவாசமான மன்னர்களால் (கிழக்கு சாளுக்கியர்கள் அல்லது வெங்கியின் சாளுக்கியர்கள்) ஆட்சி செய்யப்பட்டது.
  • சோழர்களுடன் வெங்கிக்கு நெருங்கிய உறவுகள் இருந்ததாலும், அதன் தெற்கே உள்ள அனைத்துப் பகுதிகளும் ஏற்கனவே இராஜேந்திர சோழனின் பேரரசின் கீழ் இருந்ததால், சக்கரக் கோட்டத்தில் அந்தப் படையெடுப்பின் முதல் வெற்றியுடன் அந்தப் படையெடுப்பு வெங்கிக்கு வடக்கே தொடங்கியது.
  • சக்கரக்கோட்டம் இராஜபுரத்திலிருந்து எட்டு மைல் தொலைவில், இந்திராவதி நதியின் தெற்குக் கரையில் அமைந்துள்ளது.
  • நவீன காலத்தில், இந்த இடம் சித்திரக்கூடம் (இன்றைய சத்தீஸ்கரில் உள்ள பஸ்தார் பகுதி) என்று அழைக்கப்படுகிறது.
  • சக்கரக் கோட்டத்தின் வீழ்ச்சிக்குப் பிறகு, சோழப் படை, சிந்தகா குடும்பத்தின் துணிச்சலான ஆட்சியாளர்களின் கட்டுப்பாட்டின் கீழ் இருந்த 'மசுன தேசம்' அல்லது 'மசுனி தேசம்' என்ற பசுமையான பரப்புகளை நோக்கி படையெடுத்தது.
  • சிந்தகா ஆட்சியாளர்கள் தங்களை நாக வம்சாவளியைச் சேர்ந்தவர்கள் என்று அடையாளப்படுத்திக் கொண்டனர்.
  • நீலகண்ட சாஸ்திரி, தமிழ் பிரசாஸ்தி ஒன்றை மேற்கோள் காட்டி, மதுரமண்டலம், நாமனைக்கோணம் மற்றும் பஞ்சப்பள்ளி ஆகிய பகுதிகள் அனைத்தும் 'மசுனி தேசத்தின்' கீழ் வந்ததாக கூறுகிறார்.
  • மதுரமண்டலம் சோழப் படையால் குறுகிய நேரத்தில் அழிக்கப்பட்டது.
  • நாமனைக்கோணம் மற்றும் பஞ்சப்பள்ளி ஆகியவையும் இராஜேந்திரனின் தளபதியால் கைப்பற்றப் பட்டன.
  • அதைத் தொடர்ந்து, சோழத் தளபதி வடகிழக்கே மேலும் படையெடுத்துச் சென்று, ஆதிநகரத்தில் இந்திரரதனை தோற்கடித்து, ஒட்டா (ஒடிசா) பகுதிகளையும் கைப்பற்றினார்.
  • கோசல இராச்சியத்தைக் கைப்பற்றியதன் மூலம் அவரது படையெடுப்பு மேற்கு நோக்கித் திரும்பியது.
  • இங்கு குறிப்பிடப்படும் கோசலப் பகுதி மகாகோசலம் என்றும் அழைக்கப்படுவதோடு இது தட்சிண (தெற்கு) கோசலம் என்று குறிப்பிடப் படுகிறது.
  • மத்திய-கிழக்கு இந்தியாவின் மீது ஒருங்கிணைந்த கட்டுப்பாட்டைக் கொண்ட நிலையில் அடுத்த இலக்கு, அதன் கிழக்கே இருந்த தர்மபாலரால் ஆளப்பட்ட தண்டபுக்தி ஆகும்.
  • தண்டபுக்தி வங்காளத்தில் உள்ள மிட்னாபூர் மாவட்டத்தின் தெற்கு மற்றும் தென்மேற்கு பகுதிகளை உள்ளடக்கியிருந்தது.
  • எனவே, அது சுவர்ணரேகா நதியின் இரு கரைகளிலும் நீண்டிருக்கலாம்.
  • அங்கிருந்து, சோழப் படைகள் வங்காளத்தை நோக்கி முன்னேறின.
  • அங்கு தர்மபாலனைத் தோற்கடித்த பிறகு, இராஜேந்திரனின் படை இரணாசுரனால் ஆளப்பட்ட தட்சிணராதா (தமிழில் தக்கன லாடம்) நோக்கி படையெடுத்தது.
  • 'ராதா' (ரட்டா அல்லது லடா என்றும் உச்சரிக்கப்படுகிறது) என்பது வடக்கே கங்கையால் சூழப்பட்ட வங்காளத்தின் ஒரு பகுதியின் பண்டைய பெயர் ஆகும்.
  • தட்சிணராதா என்பது வங்காளத்தில் இன்றைய ஹூக்ளி மற்றும் ஹவுரா மாவட்டங்களை உள்ளடக்கிய பகுதியைக் குறிக்கிறது, அதே நேரத்தில் உத்தரராதா (தமிழில் உத்தர லடம்) என்பது முர்ஷிதாபாத் மற்றும் பிர்பும் மாவட்டங்களை உள்ளடக்கிய பகுதிகளைக் குறிக்கிறது.
  • தெற்கு வங்காளம் கைப்பற்றவுடன், அவரின் படைத்தளபதி கிழக்கு நோக்கிச் சென்று, கங்கையைக் கடந்து, பின்னர் கோவிந்த சந்திரரால் ஆளப்பட்ட வங்காள தேசத்தை (கிழக்கு வங்காளம்) அடைந்தார்.
  • கிழக்கு வங்காளத்தைக் கைப்பற்றியதைத் தொடர்ந்து, இராஜேந்திர சோழனின் படை மேற்கு நோக்கித் திரும்பி மஹிபாலனைத் தோற்கடித்தது.
  • தளபதி கங்கையை அடைந்து, ஆற்றில் இருந்து தண்ணீரை எடுத்து வந்து, அதை தனது இறையாண்மை கொண்ட மன்னர் இராஜேந்திரனிடம் கொண்டு வந்தார்.
  • தளபதி மன்னரை இராணுவத்தின் ஓய்வின் போது கோதாவரி நதிக் கரையில் சந்தித்தார்.
  • கங்கை நீரைக் கொண்டு வருவது ஒருவேளை அப்படையெடுப்பின்  நோக்கத்தின் ஒரு பகுதியாக இருக்கலாம்.
  • ஆனால் உண்மையான நோக்கம் சந்தேகத்திற்கு இடமின்றி சோழப் பேரரசின் சக்தியை வெளிப்படுத்துவதும், வட இந்திய ஆட்சியாளர்களுக்கு அதன் வலிமையை நிரூபிப்பதும் ஆகும்.
  • பின்னர் இராஜேந்திரன் வெற்றிகரமான தனது தளபதியுடன் தனது இராஜ்ஜியத்திற்குத் திரும்பினார்.
  • பல கல்வெட்டுகளில் குறிப்பிடப் பட்டுள்ளது போல அவர் தனது திரும்பும் பயணத்தின் போது, பல கோயில்களுக்குச் சென்று காணிக்கைகளைச் செலுத்தினார்.
  • அத்தகைய ஒரு கல்வெட்டு கங்கை கொண்ட சோழபுரத்திற்கு தென்கிழக்கே பத்து மைல் தொலைவில் அமைந்துள்ள திரிலோகியில் (தஞ்சாவூர் மாவட்டத்தில் திருப்பனந்தாள் என்ற இடத்திற்கு அருகிலுள்ள நவீன திருலோகி) காணப் பட்டது.
  • திருலோகியில் பொறிக்கப்பட்ட ஒரு துண்டுப் பதிவு, இந்தக் கிராமத்தில் இறைவனின் புனித பாதங்களை மன்னர் வணங்கிய சம்பவத்தை சுவாரஸ்யமான முறையில் குறிப்பிடுகிறது.
  • அது கங்கை கொண்ட சோழபுரத்திலிருந்து சுமார் 10 மைல்கள் தொலைவில் உள்ளது.
  • இந்த இடத்தின் பண்டைய பெயர் திரிய லோகிய மஹாதேவி-சதுர்வேதி மங்கலம் என்று வழங்கப்பட்டது.
  • சோழத் தலைநகருக்கு கங்கையின் நீரைக் கொண்டு வருவது மட்டுமே இந்தப் பயணத்தின் நோக்கமல்ல.
  • ஆனால், அவ்வாறு செய்வது என்பது பேரரசுக்கு வெளியே உள்ள பிரதேசங்கள் வழியாக ஒரு சரியான உரிமையை நிறுவிய பிறகு அரசரின் வலுவான படை பலத்தினை வெளிப்படுத்துவதாகும்.
  • இப்பயணத்தின் முடிவில், இராஜேந்திரன் தனது தலைநகரில் கங்கை நீருடன் சோழ கங்கம் என்ற குளத்தின் வடிவில் 'வெற்றியின் அடையாளமாக ஒரு நீர் நிலை தூணை' (ஜலமயம் ஜெயஸ்தம்பம்) அமைத்தார் என்ற கூற்றிலிருந்து இது தெளிவாகிறது.
  • சோழ மன்னரின் படையெடுப்பு நாட்டின் அரசியல் பிளவுகளை மாற்றவில்லை, ஆனால் அது ஒரு குடியேற்றக் குழுவின் வடிவத்தில் ஒரு நிரந்தர அடையாளத்தை அங்கு விட்டுச் சென்றது.


Post Views:
16

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்