தேசியச் செய்திகள்

உயர்மட்ட வங்கி சீர்திருத்தக் குழு

November 3 , 2026 4 days 76 0

விக்சித் பாரத் 2047 தொலைநோக்குப் பார்வைக்கு ஏற்ப வங்கித் துறை சீர்திருத்தங்களைப் பரிந்துரைப்பதற்காக 'விக்சித் பாரத் வங்கிச் சேவைக்கான உயர்மட்டக் குழுவை' மத்திய அரசு அமைத்துள்ளது.
இந்தியாவின் வங்கித்துறையை உலகளவில் போட்டித்தன்மை வாய்ந்ததாகவும், நிதி உள்ளடக்கம் கொண்டதாகவும் மற்றும் நெகிழ்வானதாகவும் மாற்றுவதற்கான கட்டமைப்பு, நிறுவன ஒழுங்குமுறை மற்றும் சட்டமன்ற சீர்திருத்தங்களை இக்குழு பரிந்துரைக்கும்.
முன்னாள் மத்திய ஊழல் கண்காணிப்பு ஆணையர் சுரேஷ் என். படேல் இதன் தலைவராக செயல்படுவார்.
இந்திய ரிசர்வ் வங்கியின் (RBI) துணை ஆளுநர் ஷிரிஷ் சந்திர முர்மு, இந்தியன் வங்கியின் முன்னாள் நிர்வாக இயக்குநரும் தலைமை நிர்வாக அதிகாரியுமான பத்மஜா சுந்துரு மற்றும் முன்னாள் RBI துணை ஆளுநர் என். எஸ். விஸ்வநாதன் ஆகியோர் இதன் உறுப்பினர்களாக உள்ளனர்.
இது வங்கி நடைமுறைகள், விவேகமான விதிமுறைகள் மற்றும் உலகளாவிய சிறந்த நடைமுறைகளை மதிப்பாய்வு செய்யும், மேலும் பிராந்திய ஊரக வங்கிகள் (RRBs) மற்றும் கூட்டுறவு வங்கிகளுக்கான சீர்திருத்தங்களை ஆராயும்.
இணைய அபாயங்களுக்கு எதிரான பாதுகாப்புகளுடன், வங்கிகளில் செயற்கை நுண்ணறிவு (AI) மற்றும் டிஜிட்டல் கண்டுபிடிப்புகளைப் பின்பற்றுவதற்கான வரைபடத்தையும் இது தயாரிக்கும்.