முக்கிய தினங்கள்

உலக நிமோனியா தினம் 2026 - நவம்பர் 12

November 14 , 2026 8 hrs 0 min 26 0

நிமோனியா தடுப்பு, ஆரம்பகால நோயறிதல் மற்றும் சிகிச்சை பற்றிய விழிப்புணர்வை ஏற்படுத்துவதை இத்தினம் நோக்கமாகக் கொண்டுள்ளது.
குழந்தைகளுக்கான நிமோனியாவிற்கு எதிரான உலகளாவிய கூட்டமைப்பால் 2009 ஆம் ஆண்டில் இத்தினம் முதன்முதலில் அனுசரிக்கப்பட்டது.
நிமோனியா என்பது ஒரு நுரையீரல் தொற்று ஆகும், இது காற்றுப்பைகளில் (அல்வியோலை) வீக்கத்தை ஏற்படுத்துகிறது, இதனால் அங்கு திரவம் அல்லது சீழ் நிரம்பலாம்.
பாக்டீரியா, வைரஸ்கள் மற்றும் பூஞ்சைகள் ஆகியவை இதன் முக்கிய காரணங்களாகும், அதேசமயம் ஊட்டச்சத்து குறைபாடு, காற்று மாசு, புகைபிடித்தல் மற்றும் பலவீனமான நோய் எதிர்ப்பு சக்தி ஆகியவை ஆபத்து காரணிகளில் அடங்கும்.
2026 ஆம் ஆண்டிற்கான கருத்துரு "A New Era of Pneumonia Control" என்பதாகும்.