மாநிலச் செய்திகள்

உல்லாஸ் (ULLAS) திட்டம் - லட்சத்தீவு

October 17 , 2026 5 days 85 0

கவரத்தியில் நிர்வாகி பிரபுல் படேல் அவர்களால் லட்சத்தீவு 100% கல்வியறிவு பெற்ற ஒன்றியப் பிரதேசமாக அறிவிக்கப்பட்டது.
இந்த சாதனை வயது வந்தோர் கல்விக்கான மத்திய அரசின் நிதியுதவி பெறும் திட்டமான ULLAS (சமூகத்தில் உள்ள அனைவருக்கும் வாழ்நாள் கற்றல் பற்றிய புரிதல்) - நவ பாரத் சாக்சரதா காரியக்ரம் என்பதன் கீழ் பதிவு செய்யப்பட்டுள்ளது.
அடையாளம் காணப்பட்ட 1,113 வயது வந்த படிப்பறிவில்லாத கற்பவர்கள் அனைவரும் அடிப்படை எழுத்தறிவு மற்றும் எண்ணறிவுத் மதிப்பீட்டு தேர்வில் (FLNAT) தேர்ச்சி பெற்றுள்ளனர்.
முறையான பள்ளிக் கல்வியைத் தவறவிட்ட 15 வயது மற்றும் அதற்கு மேற்பட்ட வயது வந்தோரை உல்லாஸ் திட்டம் இலக்காகக் கொண்டு, அடிப்படை எழுத்தறிவு, எண்ணறிவு மற்றும் முக்கியமான வாழ்க்கைத் திறன்களை மேம்படுத்துகிறது.
7 வயது மற்றும் அதற்கு மேற்பட்டவர்களுக்கான இந்திய மக்கள் தொகை கணக்கெடுப்பின் வழக்கமான கல்வியறிவு அளவீட்டைப் போலல்லாமல், இந்த சாதனை உல்லாஸ் திட்டத்தின் கீழ் அடையாளம் காணப்பட்ட தகுதியான கற்பவர்களின் மதிப்பீட்டை அடிப்படையாகக் கொண்டது.