தேசியச் செய்திகள்

உள்நாட்டு பேரிடர் எச்சரிக்கை அமைப்பு

September 14 , 2026 15 hrs 0 min 13 0

தொலைத்தொடர்பு அமைச்சகமானது, இந்தியாவின் உள்நாட்டு அலைபேசி ஒளிபரப்பு அமைப்பை (CBS) அதன் முதல் பெரிய அளவிலான தேசிய செயல் விளக்கத்தின் மூலம் அறிமுகப்படுத்தியது.
தொலைபேசி எண்கள், இணையம், செயலிகள் அல்லது பதிவு போன்ற எவ்விதத் தேவையும் இல்லாமல், கோடிக்கணக்கான அலைபேசிகளுக்கு ஒரே நேரத்தில் புவி-சார்ந்த அவசரகால எச்சரிக்கைகளை CBS அனுப்புகிறது.
இது சச்செட் (SACHET - தேசிய பேரிடர் எச்சரிக்கை தளம்) அமைப்புடன் ஒருங்கிணைக்கப்பட்டுள்ளது. மேலும் வெள்ளம், சுனாமி, எரிவாயு கசிவுகள் மற்றும் பிற அவசர காலங்களுக்கான எச்சரிக்கைகளை இதனால் வழங்க முடியும்.
தொலைத்தொடர்புத் துறை (DoT), தேசிய பேரிடர் மேலாண்மை ஆணையம் (NDMA) மற்றும் மத்திய உள்துறை அமைச்சகம் (MHA) ஆகியவற்றுடன் இணைந்து தொலைத் தொடர்பு மேம்பாட்டு மையம் (C-DOT) இந்த அமைப்பை உருவாக்கியுள்ளது.
ஜப்பானின் ஜே-அலர்ட் மற்றும் அமெரிக்காவின் வயர்லெஸ் எமர்ஜென்சி அலர்ட்ஸ் ஆகியவற்றைப் போன்று, CBS அமைப்பைப் பயன்படுத்தும் 30க்கும் மேற்பட்ட நாடுகளின் பட்டியலில் இந்தியாவும் இணைந்துள்ளது.