TNPSC Thervupettagam
✖
 
15, Aug 2025
TNPSC Group I Topper Corner
தமிழ் English
தேடல்
தேசியச் செய்திகள்

ஐக்கிய நாடுகள் வளர்ச்சித் திட்டத்தின் அறிக்கை – HDIல் இந்தியா 129வது இடம்

December 12 , 2019 2073 days 874 0
  • 2019 ஆம் ஆண்டின் மனித வளர்ச்சிக் குறியீட்டில் (Human Development Index - HDI) மொத்தமுள்ள 189 நாடுகளில் இந்தியா ஒரு இடம் முன்னேறி 129வது இடத்தைப் பிடித்துள்ளது.
  • இந்தக் குறியீட்டில் 2018 ஆம் ஆண்டில் இந்தியா 130வது இடத்தில் இருந்தது.
  • இந்தக் குறியீடானது ஐக்கிய நாடுகள் வளர்ச்சித் திட்டத்தினால் (United Nations Development Programme - UNDP) வெளியிடப் பட்டுள்ளது.
  • இந்தத் தரவரிசையானது வறுமை, கல்வி, வாழ்நாள் கால அளவு மற்றும் சுகாதார நல வசதிகளை அணுகல் ஆகியவற்றின் அடிப்படையில் பட்டியலிடப் பட்டுள்ளது.
  • இந்தத் தரவரிசையானது "வருமானத்திற்கு மேலே, சராசரிகளுக்கு மேலே, இன்றையத் தினத்திற்கு அப்பால்: 21 ஆம் நூற்றாண்டில் மனித வளர்ச்சியில் ஏற்றத் தாழ்வுகள்" என்ற தலைப்பில் பட்டியலிடப் பட்டுள்ளது.
  • இந்தத் தரவரிசையில் நார்வே, சுவிட்சர்லாந்து, அயர்லாந்து ஆகிய நாடுகள் முதல் மூன்று இடங்களைப் பிடித்துள்ளன.

முக்கியமான அம்சங்கள்
  • 1990 ஆம் ஆண்டு முதல் 2018 ஆம் ஆண்டு வரை குழந்தை பிறப்பின் போது ஆயுட்கால எதிர்பார்ப்பானது 11.6 ஆண்டுகள் அதிகரித்துள்ளது என்பதையும் தனிநபர் வருமானம் 250 சதவீதத்திற்கும் மேலாக அதிகரித்துள்ளது என்பதையும் இந்த அறிக்கை சுட்டிக் காட்டுகின்றது.
  • சமூக உள்ளடக்கல் மற்றும் பாலினச் சார்பு ஆகிய பிரச்சினைகள் பற்றியும் இந்த அறிக்கை சுட்டிக் காட்டுகின்றது.
  • இந்தியாவில், 2005-06 முதல் 2015-16 வரை 27.1 கோடி மக்கள் வறுமையிலிருந்து விடுவிக்கப் பட்டுள்ளனர்.
  • பாலின வளர்ச்சிக் குறியீட்டில் இந்தியா 122வது இடத்தில் உள்ளது.
  • இருப்பினும், இந்த அறிக்கையின் படி, உலகில் ஏழைகளை அதிகம் கொண்ட நாடு இந்தியா ஆகும். உலகில் உள்ள மொத்த ஏழைகளில்  41% ஏழைகளை இந்தியா கொண்டுள்ளது.
  • சமத்துவமின்மையைக் கணக்கில் கொண்டு எடுக்கப்பட்ட HDIல் (IHDI - Inequality-Adjusted HDI), இந்தியாவின் நிலையானது ஒரு நிலை பின்தங்கி 130வது இடத்தில் உள்ளது.
  • ஏற்றத் தாழ்வுகள் காரணமாக HDIயில் ஏற்படும் சதவீத இழப்பை IHDI குறிக்கின்றது.
  • பாலினச் சமத்துவமின்மைக் குறியீட்டில் (Gender Inequality Index - GII) இந்தியாவின் மதிப்பு 0.501 ஆகும். 2018 ஆம் ஆண்டின் GII குறியீட்டில் மொத்தமுள்ள 162 நாடுகளில் இந்தியா 122 இடத்தைப் பிடித்துள்ளது.

Post Views:
874

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்