தேசியச் செய்திகள்

சமுத்திர மந்தன் திட்டம்

August 3 , 2026 19 days 89 0

2030-31 ஆம் நிதியாண்டு வரை செயல்படுத்துவதற்கான 'சமுத்திர மந்தன்' – தேசிய கடல்சார் ஆய்வுத் திட்டத்திற்கு மத்திய அமைச்சரவை ஒப்புதல் அளித்துள்ளது.
இது பெட்ரோலியம் மற்றும் இயற்கை எரிவாயு அமைச்சகத்தின் கீழ் உள்ள ஒரு மத்திய துறைத் திட்டமாகும் என்பதோடு ஆழ்கடல் மற்றும் அதி-ஆழ்கடல் ஆய்வுக்காக ₹84,084 கோடி நிதி ஒதுக்கீடு இதற்கு செய்யப்பட்டுள்ளது.
இந்தியாவின் எரிசக்தி பாதுகாப்பை வலுப்படுத்துவதற்காக, கடலோர ஹைட்ரோ கார்பன் வளங்களை ஆராய்வதையும், 600 மில்லியன் மெட்ரிக் டன் எண்ணெய்க்குச் சமமான (MMTOE) இருப்புக்களை இலக்காகக் கொள்வதையும் இத்திட்டம் நோக்கமாகக் கொண்டுள்ளது.
இது முப்பரிமாண நில அதிர்வு ஆய்வுகள், கடல்சார் துளையிடும் உள்கட்டமைப்பு மற்றும் உள்நாட்டு உற்பத்திக்கான எண்ணெய் மற்றும் எரிவாயு உற்பத்தி மற்றும் சேவை மண்டலத்தை அமைப்பதில் கவனம் செலுத்துகிறது.
கிருஷ்ணா-கோதாவரி, காவிரி, மகாநதி மற்றும் அந்தமான் பகுதிகள் உள்ளிட்ட இந்தியாவின் கடல் படுகைகள், பயன்படுத்தப்படாத குறிப்பிடத்தக்க எண்ணெய் மற்றும் எரிவாயு திறனைக் கொண்டுள்ளன.