TNPSC Thervupettagam
✖
 
05, Jul 2025
TNPSC Group I Topper Corner
தமிழ் English
தேடல்
தேசியச் செய்திகள்

சரக்கு மற்றும் சேவை வரி மன்றத்தின் 44வது சந்திப்பு

June 16 , 2021 1480 days 1012 0
  • சரக்கு மற்றும் சேவை வரி மன்றத்தின் 44வது சந்திப்பானது 2021 ஆம் ஆண்டு ஜுன் 12 அன்று நிதி அமைச்சர் நிர்மலா சீதாராமன் அவர்கள் தலைமையில் நடைபெற்றது.
  • கோவிட்-19 சார்ந்த மருத்துவ வழங்கீடுகளுக்கு வரிவிலக்கு வழங்குவது பற்றி ஆய்வு செய்வதற்காக அமைக்கப்பட்ட அமைச்சர்கள் குழுவின் பரிந்துரையினைச் சரக்கு மற்றும் சேவை வரி மன்றமானது (Goods and Service Tax Council) ஏற்றுக் கொண்டது.
  • சரக்கு மற்றும் சேவை வரி வீதத்தில் பல (GST) மாற்றங்கள் மேற்கொள்ளப்பட்டுள்ளன.
  • இவை 2021 ஆம் ஆண்டு செப்டம்பர் 30 வரை செயலில் இருக்கும்.
  • 28 சதவீதமாக இருந்த அவசர ஊர்திகளுக்கான GST வீதமானது 12 சதவீதமாகக் குறைக்கப் பட்டுள்ளது.
  • கோவிட்-19 சோதனைக் கருவிகள், மருத்துவ ஆக்சிஜன் மற்றும் செயற்கை சுவாசக் கருவிப் போன்றவற்றிற்காக GST வீதமானது 12 சதவீதத்திலிருந்து 5 சதவீதமாக குறைக்கப் பட்டுள்ளது.
  • கை சுத்திகரிப்பான் (கிருமிநாசினி) மீதான GST வீதமானது 18 சதவீதத்திலிருந்து 5 சதவீதமாக குறைக்கப்பட்டுள்ளது.
  • வெப்பநிலையைப் பரிசோதிக்கும் கருவிகள் மீதான GST வீதமானது 18 சதவீதம் என்ற அளவிலிலிருந்து 5 சதவீதமாகக் குறைக்கப்பட்டுள்ளது.
  • ஆக்சிஜன் அளவீட்டுக் கருவிகளுக்கான (பல்ஸ் ஆக்சிமீட்டர்) GST வீதமானது (தனிநபர் இறக்குமதி உட்பட) 12 சதவீதத்திலிருந்து 5 சதவீதமாகக் குறைக்கப்பட்டு  உள்ளது.
  • சில குறிப்பிட்ட அழற்சி கண்டறியும் கருவிகள் மீதான வரி வீதமானது 12 சதவீதம் என்ற அளவிலிருந்து 5 சதவீதமாக குறைக்கப்பட்டுள்ளது.
  • தகனம் செய்ய பயன்படுத்தப்படும் எரிவாயு (அ) மின்சார (அ) இதர உலைகள் மீதான (நிறுவல் செலவினம் உட்பட) GST வரி வீதமானது 18 சதவீதத்திலிருந்து 5 சதவீதமாக குறைக்கப்பட்டுள்ளது.
  • டோக்கிலிசுமாப் (Tocilizumab) மற்றும் ஆம்போடெரிசின் B (Amphotericin B) உள்ளிட்ட கோவிட்-19 சிகிச்சையுடன் தொடர்புடைய மருந்துகள் மீது GST வரி வீதம் விதிக்கப் பட மாட்டாது.
  • முன்னதாக இதற்கான GST வரி வீதமானது 5% ஆக நிர்ணயிக்கப்பட்டிருந்தது.
  • ஹெபாரின் மற்றும் ரெம்டெஸ்வீர் போன்ற இரத்த உறைவுத் தடுப்பு மருந்துகள் மீதான GST வீதமானது 12 சதவீதத்திலிருந்து 5 சதவீதமாகக் குறைக்கப்பட்டுள்ளது.
  • செயற்கை சுவாசக் கவசங்கள் (அ) கேனுலா (அ) தலைக்கவசம் மீது 5% GST வீதமானது விதிக்கப் படும்.


Post Views:
1012

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்