TNPSC Thervupettagam
✖
 
05, Nov 2025
TNPSC Group I Topper Corner
தமிழ் English
தேடல்
தமிழ்நாட்டுச் செய்திகள்

சிறைச்சாலையில் தயாரிக்கப்படும் பொருட்கள் மூலமான வருவாய்

October 21 , 2025 15 days 51 0
  • சிறைச்சாலையில் தயாரிக்கப்படும் பொருட்களின் விற்பனையிலிருந்து வருவாய் ஈட்டுவதில் தமிழ்நாடு மாநிலம் இந்தியாவிலேயே முதலிடத்தில் உள்ளது.
  • மொத்த விற்பனை வருவாயில் அதிக மதிப்பை ஈட்டியதாக மாநில அரசு அறிவித்து உள்ளது.
  • இலாபகரமான சிறைச்சாலை தயாரிப்பு வணிகத்தில் தமிழ்நாடு நாட்டில்  முன்னணியில் இருந்தாலும், தெலுங்கானா மற்றும் கேரளா ஆகியவை 2023 ஆம் ஆண்டில் முறையே 55.71 கோடி ரூபாய் மற்றும் 24.44 கோடி ரூபாயுடன் முன்னணியில் இருந்தன.
  • தேசியக் குற்றப் பதிவு வாரியத்தின் தரவுகளின் படி, ஒரு கைதியினால் உற்பத்தி செய்யப்படும் பொருட்களின் மதிப்பு தெலுங்கானாவில் அதிகபட்சமாக 95,187 ரூபாயாகவும், அதைத் தொடர்ந்து தமிழ்நாடு (33,984 ரூபாய்) மற்றும் சண்டிகர் (32,325 ரூபாய்) ஆகவும் உள்ளன.
  • தயாரிப்பு செயல்பாடுகளில் ஈடுபடும் கைதிகளுக்கு அவர்களின் திறன்களின் அடிப்படையில் இயல்பான ஊதியம் வழங்கப்படுகிறது.
  • தமிழ்நாடு திறமையான தொழிலாளர்களுக்கு ஒரு நாளைக்கு 300 ரூபாய் மற்றும் பகுதியளவு திறம் வாய்ந்த தொழிலாளர்களுக்கு 270 ரூபாய் வழங்குகிறது.
  • மாநில அரசின் சீர்திருத்தம் மற்றும் மறுவாழ்வுத் திட்டங்களின் ஒரு பகுதியாக, சிறைத் துறையில் ஜவுளி, தோல், அலுமினியம், மெழுகு மற்றும் காகிதப் பொருட்களைத் தயாரிப்பதற்கான உள்கட்டமைப்பு வசதிகள் செய்யப்பட்டன.
  • எட்டு மத்திய சிறைச்சாலைகள், ஒரு பெண்களுக்கான சிறப்பு சிறைச்சாலை மற்றும் ஒரு சீர்திருத்தப் பள்ளி ஆகியவற்றில் இந்த வசதி நிறுவப்பட்டுள்ளது.
  • சிறைச்சாலையில் தயாரிக்கப்படும் பெரும்பாலான பொருட்கள் அரசுத் துறைகளால் வாங்கப்பட்டாலும், சிறைச்சாலைகள் மற்றும் சீர்திருத்தப் பணிகள் துறை அனைத்து மத்திய சிறை வளாகங்களிலும் 'சிறைச்சாலை கடை/பஜார்களை' அமைத்து, பொது மக்களுக்கு சிறைகளில் தயாரிக்கப்படும் பொருட்களை மிகவும் குறைந்த விலையில் விற்கிறது.
  • ஆயத்த ஆடைகள், தோல் பொருட்களால் ஆன காலணிகள், மழைக் கவச உடைகள், அடுமனை/பேக்கரிப் பொருட்கள் மற்றும் சோப்புகள் போன்ற பொருட்கள் 'Freedom' என்ற தயாரிப்பு பெயரில் விற்கப்படுகின்றன.
  • இலாபத்தில் 20% என்பது தயாரிப்பை உருவாக்க உழைத்த கைதியின் கணக்கில் வரவு வைக்கப் படுகிறது.
  • மீண்டும் மீண்டும் குற்றம் புரிவதைக் குறைப்பதற்கும், முதல் முறை குற்றவாளிகளை (18-24 வயதுடையவர்கள்) சமூகத்தில் மீண்டும் ஒருங்கிணைக்க உதவுவதற்கும் அறிமுகப்படுத்தப்பட்ட ஆளுமை மனப்பான்மை மாற்ற சிகிச்சை உதவி மேலாண்மை (PATTAM) திட்டம் எதிர்ப்பார்க்கப்பட்ட பலன்களை வழங்கியுள்ளது.
  • தமிழ்நாடு திறந்தவெளி பல்கலைக்கழகத்தினால் வழங்கப்படும் பட்டங்கள்/பட்டயப் படிப்புகளைப் பெறவும், அரசு செலவில் தேர்வுகளை எழுதவும் சிறைவாசிகள் அனுமதிக்கப் படுகிறார்கள்.
  • சிறைச்சாலைகளில் காணொளி வழிக் கலந்தாய்வுகளிலும் தமிழ்நாடு முதலிடத்தில் உள்ளது.
  • நாட்டில் உள்ள 1,332 சிறைகளுள், 1,156 சிறைகளில் இந்த வசதி செய்யப் பட்டுள்ளது.
  • இம்மாநிலத்தில் உள்ள 126 சிறைகளில் காணொளி வழி கலந்தாய்வு வசதி உள்ளது, அதைத் தொடர்ந்து மத்தியப் பிரதேசம் (123), இராஜஸ்தான் (92), ஒடிசா (84) மற்றும் ஆந்திரப் பிரதேசம் (80) ஆகியவை உள்ளன.

 


Post Views:
51

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்