முக்கிய தினங்கள்

சுய ஆட்சியற்ற பிரதேசங்களில் வாழும் மக்களுக்கான சர்வதேச ஒற்றுமை வாரம் 2026 - மே 25 முதல் 31 வரை

June 3 , 2026 3 days 38 0

காலனித்துவ ஒழிப்பு பற்றிய விழிப்புணர்வை மேம்படுத்துதல் மற்றும் சுய ஆட்சியற்ற பிரதேசங்களில் வாழும் மக்களின் சுயநிர்ணய உரிமையை ஆதரித்தல் ஆகியவற்றை இந்த வாரம் நோக்கமாகக் கொண்டுள்ளது.
ஐ.நா. சாசனத்தின் அத்தியாயம் XI-இல் வரையறுக்கப்பட்டுள்ளபடி, முழுமையான சுய ஆட்சியை இதுவரை அடையாத மக்கள் வாழும் பகுதி, சுய ஆட்சியற்ற பிரதேசம் (NSGT) எனப்படும்.
1999 ஆம் ஆண்டில் ஐ.நா. பொதுச் சபைத் தீர்மானத்தின் மூலம் இந்த அனுசரிப்பு நிறுவப் பட்டது.
தற்போது, ஐ.நா. பட்டியலில் 17 சுயராஜ்யம் அற்ற பிரதேசங்கள் உள்ளன.
2021-2030 வரையிலான தற்போதைய காலகட்டம், காலனித்துவத்தை ஒழிப்பதற்கான நான்காவது சர்வதேச பத்தாண்டாக அனுசரிக்கப்படுகிறது.
காலனித்துவ ஒழிப்பை தனது முக்கிய சாதனைகளில் ஒன்றாக ஐ.நா. கருதுவதுடன் 1945 ஆம் ஆண்டில் காலனித்துவ ஆட்சியின் கீழ் வாழ்ந்த சுமார் 750 மில்லியன் மக்கள் தொகையை இன்று 2 மில்லியனுக்கும் குறைவாக இது குறைத்துள்ளது.