சுற்றுச்சூழல் செய்திகள்

சுற்றுச்சூழல் செயல்திறன் குறியீடு (EPI) 2026

August 6 , 2026 2 days 72 0

இது தரவுகளை அடிப்படையாகக் கொண்ட ஒரு உலகளாவிய அளவுகோலாகும்.
மேலும், ஐ.நா.வின் நீடித்த வளர்ச்சி இலக்குகள் மற்றும் பாரிஸ் பருவநிலை ஒப்பந்தத்தின் நோக்கங்கள் போன்ற உலகளாவிய நிலைத்தன்மை இலக்குகளை அடைவதில் நாடுகளின் முன்னேற்றத்தை மதிப்பிடுவதற்கான ஒரு முக்கிய பகுப்பாய்வுக் கருவியாகவும் இது செயல்படுகிறது.
இது மெக்கால் மெக்பெய்ன் அறக்கட்டளையின் ஆதரவுடன் யேல் மற்றும் கொலம்பியா பல்கலைக்கழக நிறுவனங்களால் உருவாக்கப்பட்டது.
இதன் உள்ளடக்கம், மூன்று முக்கிய நோக்கங்களின் கீழ் 177 நாடுகள், 47 குறிகாட்டிகள் மற்றும் 12 சிக்கல் பிரிவுகளை உள்ளடக்கும்.
சுற்றுச்சூழல் சுகாதாரம், சூழல் மண்டலத்தின் உயிர்ச்சக்தி மற்றும் பாவநிலை மாற்றம் ஆகியவையே மூன்று முக்கிய கொள்கை நோக்கங்கள் ஆகும்.

சுற்றுச்சூழல் சுகாதாரம்

காற்றின் தரம் (PM2.5 போன்ற மாசுபடுத்திகளின் வெளிப்பாட்டை அளவிடுதல்)
சுகாதாரம் மற்றும் குடிநீர்
கன உலோகங்களின் வெளிப்பாடு

சூழல் மண்டலத்தின் உயிர்ச்சக்தி

பல்லுயிர்ப் பெருக்கம் மற்றும் வாழ்விடப் பாதுகாப்பு
காடுகள் மற்றும் மர இழப்பு
மீன்வளம் மற்றும் மீன் இருப்பு
வேளாண்மை மற்றும் நிலையான நடைமுறைகள்
நீர் வளங்கள் மற்றும் கழிவுநீர் சுத்திகரிப்பு

பருவநிலை மாற்றம்

பசுமை இல்ல வாயு வெளியேற்றத்தைக் குறைத்தல்
பல்வேறு துறைகளிலிருந்து வெளியாகும் CO2 வெளியேற்றம்
தூய்மையான ஆற்றல் மாற்றம் மற்றும் கார்பன் அடர்த்தியைக் கண்காணித்தல்
முதல் இடங்கள் – எஸ்டோனியா (1வது, மதிப்பெண் 74.79); அதனைத் தொடர்ந்து லக்சம்பர்க், இங்கிலாந்து, பின்லாந்து, நெதர்லாந்து (முதல் 5 இடங்கள் – அனைத்தும் ஐரோப்பாவைச் சேர்ந்தவை).
இந்தியா 176வது இடத்தில் (மதிப்பெண் 22.46) உள்ளது, இது இரண்டாவது மிகக் குறைந்த மதிப்பெண் ஆகும்; கடுமையான காற்றின் தரம் மற்றும் பல்லுயிர் தன்மை இழப்பு.
2022 ஆம் ஆண்டு முதல் சுற்றுச்சூழல் செயல்திறன் குறியீட்டில் (EPI) மிக மோசமாகச் செயல்படும் ஐந்து நாடுகளில் இந்தியாவும் ஒன்றாகத் தொடர்ந்து இருந்து வருகிறது.
சுற்றுச்சூழல் சுகாதாரம், காற்றின் தரம் மற்றும் பல்லுயிர் தன்மை ஆகியவற்றில் இந்தியா மோசமாகச் செயல்பட்டுள்ளது (காற்றின் தரம் மற்றும் பல்லுயிர் தன்மை ஆகிய இரண்டிலும் 174வது இடத்தில் உள்ளது).