தமிழ்நாட்டுச் செய்திகள்

தமிழ்த்தாய் வாழ்த்து - தமிழ்நாடு அரசாணை

August 15 , 2026 4 days 75 0

நிகழ்ச்சிகளின் தொடக்கத்தில் 'தமிழ்த்தாய் வாழ்த்து' பாடுவதைக் கட்டாயமாக்கி தமிழ்நாடு அரசு அரசாணை வெளியிட்டுள்ளது.
இந்த உத்தரவு தமிழ்நாட்டில் உள்ள கல்வி நிறுவனங்கள், பல்கலைக்கழகங்கள், அரசு அலுவலகங்கள், பொதுத்துறை நிறுவனங்கள் மற்றும் பிற பொது நிறுவனங்களுக்குப் பொருந்தும்.
அலுவல் முறை நிகழ்வுகளில் தேசிய கீதத்திற்கு முன் 'வந்தே மாதரம்' இசைக்க வேண்டும் என்ற தனது ஜனவரி 28 ஆம் தேதியிட்ட வழிகாட்டுதலைப் பின்பற்றுமாறு மாநிலங்கள் மற்றும் மத்திய அமைச்சகங்களைக் கேட்டுக்கொண்டு மத்திய உள்துறை அமைச்சகம் ஜூலை 9 அன்று எழுதிய கடிதத்தைத் தொடர்ந்து இந்த நடவடிக்கை எடுக்கப்பட்டுள்ளது.
மாநிலப் பாடலாக அறிவிக்கப்பட்ட 2021 ஆம் ஆண்டில் வெளியிடப்பட்ட வழிகாட்டுதல்களின்படி 'தமிழ்த்தாய் வாழ்த்து' பாடப்பட வேண்டும் என்று அரசாணையில் கூறப்பட்டுள்ளது.
2026 ஆம் ஆண்டு ஆகஸ்ட் 10 அன்று முதலமைச்சர் சி. ஜோசப் விஜய் முன்மொழிந்த தீர்மானத்தை தமிழ்நாடு சட்டமன்றம் ஒருமனதாக நிறைவேற்றியதை அடுத்து, தலைமைச் செயலாளர் எம். சாய்குமார் இந்த உத்தரவை பிறப்பித்தார்.
தமிழ்நாட்டில் நடைபெறும் அரசு விழாக்களின் தொடக்கத்தில் 'தமிழ்த்தாய் வாழ்த்து' பாடுவதை இத்தீர்மானம் கட்டாயமாக்கியுள்ளது.