TNPSC Thervupettagam
✖
 
09, Jan 2026
TNPSC Group I Topper Corner
தமிழ் English
தேடல்
தமிழ்நாட்டுச் செய்திகள்

தமிழ்நாடு அரசின் உறுதியளிக்கப்பட்ட ஓய்வூதியத் திட்டம் (TAPS) பகுப்பாய்வு

January 7 , 2026 2 days 110 0
  • இது பழைய ஓய்வூதியத் திட்டத்தின் (OPS) பிரதி ஆகும்.
  • இது ஒருங்கிணைந்த ஓய்வூதியத் திட்டத்தின் (UPS) மேம்படுத்தப்பட்ட வடிவமாகும்.
  • ஒவ்வோர் ஊதியக் குழுவும் அமைக்கப்படும் போது மாதாந்திர தனிநபர் பங்களிப்பு மற்றும் ஓய்வூதியத் திருத்தத்தைத் தவிர, முன்மொழியப்பட்ட ஓய்வூதியத் திட்டம் OPS திட்டத்தின் பரந்த வழிகாட்டுதல்களைப் பின்பற்றுகிறது.
  • OPS திட்டத்தின் முக்கிய அம்சங்களில் ஒன்று இறப்பு மற்றும் ஓய்வூதியப் பணிக் கொடை (DCRG) ஆகும்.
  • உதாரணமாக, 20 ஆண்டுகள் அல்லது அதற்கு மேற்பட்ட காலமாக பணியில் இருந்தவர் இறந்தால், 25 லட்சம் ரூபாய்க்கு மிகாமல் பணிக்கொடை வழங்கப்படும்.
  • இந்த அம்சம் TAPS திட்டத்தில் சேர்க்கப்பட்டுள்ளது.
  • OPS திட்டத்தினைப் போலவே, குடும்ப ஓய்வூதியம் ஆனது ஓய்வூதியத்தில் சுமார் 60 சதவீதத்திற்குச் சமமாக இருக்கும்.
  • பணவீக்க விளைவிற்கான ஈடாக்க குறியீடும் மேற்கொள்ளப்படும்.
  • TAPS திட்டத்தின் கீழான ஓய்வூதியம் கடைசி மாதப் பணிக் காலத்தில் பெறப்பட்ட சம்பளத்தில் 50 சதவீதத்தினை அடிப்படையாகக் கொண்டது அதே நேரத்தில் UPS திட்டத்தின் கீழான ஓய்வூதியம் கடைசி 12 மாத அடிப்படை ஊதியத்தின் சராசரியில் 50% ஆக வழங்கப்படும்.
  • UPS திட்டத்தின் கீழ் ஓய்வூதியம் பெறுபவர் இறந்தால், சட்டப்பூர்வமாக திருமணமான வாழ்க்கைத் துணை மட்டுமே குடும்ப ஓய்வூதியப் பணத்தைப் பெற தகுதியுடையவர், அதே சமயம் குடும்பம், அதாவது ஓய்வூதியதாரரால் பரிந்துரைக்கப்பட்ட சட்டப்பூர்வ வாரிசுகளுக்கு TAPS திட்டத்தின் கீழ் ஓய்வூதியம் வழங்கப்படும்.
  • UPS திட்டத்தில் இருக்கும் போது, ​​10 ஆண்டுகள் அல்லது அதற்கு மேற்பட்ட தகுதி வாய்ந்தப் பணிக்குப் பிறகு ஓய்வு பெற்றால் குறைந்தபட்ச உறுதி செய்யப்பட்ட பணம் செலுத்தப்படும்.
  • TAPS திட்டத்தின் கீழ், பணிக் காலத்தின் நீளத்தைப் பொருட்படுத்தாமல் இது வழங்கப் படும்.
  • பங்களிப்பு ஓய்வூதியத் திட்டத்தின் (CPS) கீழ் தற்போதுள்ள அனைத்து ஊழியர்களும், அதாவது தோராயமாக 6.24 லட்சம் பேர், தங்கள் ஓய்வூதியத் திட்டத்தைத் தேர்வு செய்ய அனுமதிக்கப்படுவார்கள் என்றாலும், TAPS திட்டத்திற்கு மாறுவார்கள் என்று எதிர்பார்க்கப் படுகிறது.
  • ஆயுள் காப்பீட்டுக் கழகத்திற்கு (LIC) பதிலாக ஓய்வூதிய நிதி ஒழுங்குமுறை மற்றும் மேம்பாட்டு ஆணையத்தில் (PFRDA) ஓய்வூதிய நிதியை முதலீடு செய்ய அரசாங்கம் முடிவு செய்துள்ளது.
  • இதுவரையில், 2003 ஆம் ஆண்டு ஏப்ரல் 01 அல்லது அதற்குப் பிறகு அரசுப் பணியில் சேர்ந்தவர்களை உள்ளடக்கிய CPS திட்டத்தின் கீழ் திரட்டப்பட்ட முழுத் தொகையும் LIC கழகத்தின் ஓய்வுறுதி நிதியில் முதலீடு செய்யப்படுகிறது.
  • அத்தகைய நடவடிக்கையானது அதிக வருமானத்தை ஈட்டியிருக்கும் என்பதால், PFRDA நிதியை முதலீடு செய்ய பயன்படுத்தாததற்கு தலைமைக் கணக்கு தணிக்கையாளர் (CAG) மாநில அரசைக் குற்றம் சாட்டினார்.
  • 2025 ஆம் ஆண்டு அக்டோபர் மாதத்தில், சட்டமன்றத்தில் தாக்கல் செய்யப்பட்ட 2023-24 ஆம் ஆண்டிற்கான மாநில நிதி குறித்த CAG அறிக்கையானது “முன்னர், LIC மற்றும் கருவூலப் பத்திரங்கள் ஆகிய இரண்டிலும் DCPS [வரையறுக்கப்பட்டப் பங்களிப்பு ஓய்வூதியத் திட்டம் அல்லது CPS] திரட்டல்களை மாநில அரசு முதலீடு செய்தது, இது பொது வருங்கால வைப்பு நிதி விகிதத்தை விட குறைந்த வட்டியை அளித்தது” என்று கூறியது.
  • இந்தப் பிரச்சினையானது முந்தைய SFAR [மாநில நிதித் தணிக்கை அறிக்கைகள்] அறிக்கைகளில் முன்னிலைப்படுத்தப்பட்டது.
  • தற்போது DCPS திரட்டல்களை, தற்போது 7.1% ஆக நிர்ணயிக்கப்பட்டுள்ள பொது வருங்கால வைப்பு நிதி விகிதத்துடன் இணைக்கப்பட்ட வட்டி விகிதங்களுடன், LIC கழகத்தில் மட்டுமே அரசு முதலீடு செய்து வருகிறது.
  • குறைந்தபட்சம் அடுத்த 15 ஆண்டுகளுக்கு மாநிலச் சொந்த வரி வருவாயின் (SOTR) வளர்ச்சி விகிதம் குறித்து கணிப்புகள் செய்யப்பட்டுள்ளன.
  • ஒவ்வோர் ஆண்டும் ஒதுக்கீட்டின் மதிப்பு அதிகரித்த போதிலும், ஓய்வூதியப் பொறுப்பின் விகிதம் SOTR வருவாயில் சுமார் 21% முதல் 22% வரை நிலை பெறும்.
  • 2023-24 ஆம் ஆண்டிற்கான CAG அறிக்கையின்படி ஓய்வூதியங்கள் சுமார் 37,696.81 கோடி ரூபாயாகவும், SOTR 1,67,279 கோடி ரூபாயாகவும் இருந்ததனால் ஓய்வூதியங்கள் மற்றும் பிற ஓய்வூதியப் பலன்களின் பங்கு 22.5% ஆகும்.

 


Post Views:
110

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்