தமிழ்நாட்டுச் செய்திகள்

தமிழ்நாடு கூட்டுறவுத் துறை சீர்திருத்தங்கள்

August 22 , 2026 2 days 90 0

புதிய மாநில கூட்டுறவுக் கொள்கை மற்றும் நலவாழ்வு மற்றும் வணிக முயற்சிகள் உட்பட கூட்டுறவுத் துறைக்கான பல நடவடிக்கைகளை 2026 ஆம் ஆண்டு மாநில பட்ஜெட்டில் தமிழ்நாடு கூட்டுறவுத் துறை அமைச்சர் திரு. வி. காந்திராஜ் அறிவித்தார்.
கூட்டுறவு நிறுவனங்களை மக்கள் மையமான, வெளிப்படையான, பொருளாதார ரீதியாக நிலையான மற்றும் போட்டித்தன்மை கொண்டதாக மாற்றுவதற்கு தமிழ்நாடு ஒரு மாநில கூட்டுறவுக் கொள்கையை உருவாக்கும்.
பெண்களை தொழில்முனைவோராக ஊக்குவிக்கும் வகையில் சுமார் ₹7,015 கோடி ஒதுக்கீட்டில் கூட்டுறவு வங்கிகள் மூலம் 'சிங்கப் பெண்கள் கடன் திட்டம்' செயல் படுத்தப் படும்.
விவசாயம் சார்ந்த தொழில்களைத் தொடங்குவதற்கு விவசாயிகளுக்கு 9% வட்டியில் கிராமப்புற வணிகக் கடன்கள் வழங்கப்படும் என்பதோடு இந்த முன்னெடுப்பிற்கு ₹5,000 கோடி ஒதுக்கப்பட்டுள்ளது.
கூட்டுறவு சங்கங்களால் தயாரிக்கப்படும் பொருட்களின் தரம், சந்தைப்படுத்தல், சந்தைப் பங்கு மற்றும் லாபத்தை மேம்படுத்த ‘வெற்றி’ என்ற பொதுவான வணிக முத்திரை அறிமுகப்படுத்தப்படும்.
வாடகை கட்டிடங்களில் இயங்கி வரும் பொது விநியோகத் திட்ட (PDS) நியாய விலைக் கடைகளுக்கு ₹15 கோடி செலவில் 150 நிரந்தரக் கட்டிடங்கள் கட்டப்படும்.
திருவாரூர் மாவட்டம் கூத்தாநல்லூர் தாலுகா ஆயக்குடி கிராமத்தில் 5,084 சதுர அடி நிலத்தில் ₹53 லட்சம் செலவில் புதிய வேளாண் விளைபொருள் ஏல மையம் அமைக்கப் படும்.
மயிலாடுதுறை மற்றும் திண்டுக்கல் மாவட்டங்களில் உள்ள கூட்டுறவு சங்க வளாகங்களில் ₹50 லட்சம் செலவில் பெட்ரோல், டீசல் மற்றும் அழுத்தப்பட்ட இயற்கை எரிவாயு (CNG) நிரப்பும் நிலையங்கள் அமைக்கப்படும்.
80 கூட்டுறவு உற்பத்தியாளர்கள் கூட்டுறவு விற்பனை சங்கங்களில் ₹25 லட்சம் மதிப்பீட்டில் மின்-ஏல முறைகள் அறிமுகப்படுத்தப்படும்.
புதிதாக அமைக்கப்பட்டுள்ள 105 நியாயவிலைக் கடைகளுக்கு விற்பனையாளர்களை நியமிப்பதில் பெண்களுக்கு முன்னுரிமை வழங்கப்படும்.
தமிழ்நாடு கூட்டுறவு விற்பனை இணையம் (TANFED) மூலம் விவசாயிகளுக்கு வழங்கப் படும் உரங்கள் மற்றும் விதைகளின் விற்பனை தற்போதைய ₹898 கோடியிலிருந்து ₹2,500 கோடியாக உயர்த்தப்படும்.
வெளிப்படைத்தன்மையை மேம்படுத்துவதற்காக, முதல் கட்டமாக 100 நியாயவிலைக் கடைகளில் ₹20 லட்சம் மதிப்பீட்டில் இருப்பு விவரங்களைக் காண்பிக்க ஒளி உமிழ் இருமுனைய (LED) பலகைகள் நிறுவப்படும்.
அத்தியாவசியப் பொருட்களை ஏற்றிச் செல்லும் வாகனங்களுக்கு ₹2 கோடி செலவில் நிகழ்நேர வாகனக் கண்காணிப்பு அமைப்பு அறிமுகப்படுத்தப்படும்.