தமிழ்நாட்டுச் செய்திகள்

தமிழ்நாடு பாரத்நெட் ஒப்பந்தம் - ஊரக அகலப்பட்டை விரிவாக்கம்

November 3 , 2026 5 days 82 0

ஊரக அகலப்பட்டை இணைப்பை விரிவுபடுத்துவதற்காக டிஜிட்டல் பாரத் நிதி (DBN), தமிழ்நாடு அரசு மற்றும் தமிழ்நாடு கண்ணாடி இழை வலையமைப்பு நிறுவனம் (TANFINET) ஆகியவை ஒப்பந்தம் ஒன்றில் கையெழுத்திட்டுள்ளன.
புதுதில்லியில் உள்ள சஞ்சார் பவனில் மாநிலம் தலைமையிலான திருத்தப்பட்ட பாரத்நெட் திட்டத்தின் கீழ் இந்த ஒப்பந்தம் கையெழுத்தானது.
மத்திய அரசின் நிதி ஆதரவானது 5 லட்சத்திற்கும் மேற்பட்ட கிராமப்புற வீடுகளுக்கு கண்ணாடி இழை அகலப்பட்டை இணைப்புகளையும், 4,767 கிராமங்களில் தேவைக்கேற்ப இணைப்பையும் வழங்கும் என எதிர்பார்க்கப்படுகிறது.
தமிழ்நாட்டில் இதற்கான அமலாக்க முகமையாக TANFINET செயல்படுகிறது, அதேவேளையில் சேவைகள் சென்றடையாத பகுதிகளில் தொலைத்தொடர்பு அணுகலுக்கு DBN ஆதரவளிக்கிறது.
DBN முன்பு உலகளாவிய சேவை கடப்பாடு நிதியம் (USOF) என அழைக்கப்பட்டது மற்றும் இது தொலைத்தொடர்புத் துறையின் கீழ் செயல்படுகிறது.
கிராமப்புற அகலப்பட்டை உள்கட்டமைப்பை மேம்படுத்தவும் விரிவுபடுத்தவும் திருத்தப்பட்ட பாரத்நெட் திட்டத்திற்கு 2023 ஆம் ஆண்டு ஆகஸ்ட் 4 அன்று மத்திய அமைச்சரவை ஒப்புதல் அளித்தது.
மின்-ஆளுமை, இணையவழி கல்வி, தொலை மருத்துவம் மற்றும் டிஜிட்டல் பணப்பரிவர்த்தனைகளை ஆதரிப்பதற்காக திறந்த அணுகல் அகலப்பட்டை உள்கட்டமைப்பை பாரத்நெட் வழங்குகிறது.