TNPSC Thervupettagam
✖
 
13, Aug 2025
TNPSC Group I Topper Corner
தமிழ் English
தேடல்
தமிழ்நாட்டுச் செய்திகள்

தமிழ்நாடு மொழியியல் வரைபடம்

July 27 , 2025 17 days 57 0
  • தமிழ்நாட்டின் மொழியியல் விவரம் ஆனது பல்வேறு வகையான மொழிகளை வெளிப் படுத்துகிறது.
  • தெலுங்கு, கன்னடம், உருது, மலையாளம் மற்றும் ஆங்கிலம் ஆகியவை இதில் அடங்கும்.
  • இது இந்த மாநிலத்தின் மிகவும் வளமான மொழியியல் பன்முகத்தன்மையைப் பிரதிபலிக்கிறது.
  • இது 2011 ஆம் ஆண்டு தமிழ்நாட்டின் மொழியியல் வரைபடத்தில் தெளிவாகப் பதிவாகியுள்ளது.
  • இது உள்துறை அமைச்சகத்தின் அரசுப் பொதுப் பதிவாளர் மற்றும் மக்கள் தொகை கணக்கெடுப்பு ஆணையர் அலுவலகத்தால் வெளியிடப்பட்டது.
  • இம்மாநிலத்தின் மொத்த மக்கள் தொகை 7,21,47,030 ஆகும், இது 32 மாவட்டங்களில் 1,30,060 சதுர கிலோமீட்டர் பரப்பளவில் பரவியுள்ளது (2011 ஆம் ஆண்டு மக்கள் தொகை கணக்கெடுப்பின்படி).
  • இதில், 7,20,98,315 பேர் (99.93%) இந்திய அரசியலமைப்பின் எட்டாவது அட்டவணையில் பட்டியலிடப்பட்டுள்ள 22 மொழிகளில் ஒன்றைப் பேசுவதாகக் கூறினர்.
  • 48,715 பேர் (0.07%) மட்டுமே பிற மொழிகளைப் பேசினர்.
  • 2011 ஆம் ஆண்டு மக்கள் தொகை கணக்கெடுப்பின் போது தமிழ்நாட்டின் நிர்வாக எல்லைகளுக்குள் மொத்தம் 96 மொழிகள் அடையாளம் காணப்பட்டன.
  • இந்த மொழி வரைபடத்தில், 'மொழி பேசுபவர்கள்' என்ற சொல் மக்கள் தொகை கணக்கெடுப்பின் போது ஒரு குறிப்பிட்ட மொழியை தங்கள் தாய்மொழியாக குறிப்பிட்ட நபர்களை மட்டுமே குறிக்கிறது.
  • இந்த எண்ணிக்கையானது, அந்த மொழியை அவர்கள் பேசினாலும், மக்கள் தொகை கணக்கெடுப்பில் அதைத் தங்கள் தாய்மொழியாக அறிவிக்காதவர்களை விலக்கி குறிப்பிடுகிறது.
  • தமிழ்நாட்டில் பட்டியலிடப்பட்ட மொழிகளில், மொத்தம் 6,37,53,997 பேர் தமிழ் மொழியை பேசுகின்றனர்.
  • மக்கள் தொகை கணக்கெடுப்பு அட்டவணையில் அவர்கள் தமிழைத் தங்கள் தாய் மொழியாக அறிவித்தனர்.
  • இதில் தமிழ் மொழிக் குழுவுடன் தனது தாய்மொழிகளின் கீழ் வகைப்படுத்தப்பட்ட 10,150 நபர்களும் அடங்குவர்.
  • இதைத் தொடர்ந்து தெலுங்கு பேசுபவர்கள் 42,34,302 பேர், கன்னடம் பேசுபவர்கள் 12,86,175 பேர், உருது பேசுபவர்கள் 12,64,537 பேர், மலையாளம் பேசுபவர்கள் 7,26,096 பேர், இந்தி பேசுபவர்கள் 3,93,380 பேர், குஜராத்தி பேசுபவர்கள் 2,75,023 பேர் மற்றும் மராத்தி பேசுபவர்கள் 85,454 பேர் ஆகியோர் அடங்குவர்.
  • பட்டியலிடப்படாத மொழிகளில், ஆங்கிலம் பேசுபவர்கள் அதிகபட்சமாக 24,495 பேர் உள்ள நிலையில், அதைத் தொடர்ந்து துளு பேசுபவர்கள் 2,636 பேர், பிலி/பிலோடி பேசுபவர்கள் 1,405 பேர், அரபு/அர்பி பேசுபவர்கள் 1,119 பேர் மற்றும் குருக்/ஓரான் பேசுபவர்கள் 817 பேர் ஆக உள்ளனர்.
  • மொழித் திறனின் அடிப்படையில் தமிழ்நாடு மாநிலம் பெரும்பாலும் ஒருமொழி பேசும் மாநிலமாகவே உள்ளது.
  • 2011 ஆம் ஆண்டு மக்கள் தொகை கணக்கெடுப்பின்படி, 5,17,30,760 பேர் (71.70%) ஒரே ஒரு மொழியை மட்டுமே பேசினர்.
  • மும்மொழி பேசுபவர்களைத் தவிர்த்து, இருமொழி பேசுபவர்களின் எண்ணிக்கை 1,79,69,107 (24.90%) உள்ளதாக கூறப்படும் அதே நேரத்தில் 24,47,163 பேர் (3.39%) மூன்று மொழிகளைப் பேசுவதாகக் கூறப்படுகிறது.
  • இந்த மொழி வரைபடமானது, தங்கள் தாய்மொழியா அல்லது தாய்மொழி இல்லையா என்பதைப் பொருட்படுத்தாமல், பல்வேறு மொழிகளைப் பேச முடியும் என்று தெரிவித்த நபர்களின் எண்ணிக்கையையும் பதிவு செய்துள்ளது.
  • தமிழ்நாட்டில், மொத்தம் 6,94,04,292 பேர் (96.20%) தங்களால் தமிழ் பேச முடியும் என்று தெரிவித்துள்ளனர்.
  • இதனை அடுத்து 1,33,37,789 பேர் (18.49%) தங்களால் ஆங்கிலம் பேச முடியும் என்று தெரிவித்துள்ளனர்.
  • மொத்தம் 58,04,634 பேர் தெலுங்கு (8.05%) மொழியும், 18,70,602 பேர் கன்னடம் (2.59%) மொழியும் மற்றும் 15,24,049 பேர் இந்தி (2.11%) மொழியும் பேசத் தெரிந்தவர்கள் என்று தெரிவித்தனர்.
  • மேலும் 10,08,468 பேர் மலையாளம் (1.40%) பேசத் தெரிந்தவர்கள் என்று தெரிவித்தனர்.


Post Views:
57

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்