சுற்றுச்சூழல் செய்திகள்

தேக்கு மரத்தோட்டத் திட்டம்

September 15 , 2026 13 hrs 0 min 15 0

மர உற்பத்தியை மேம்படுத்தவும், விவசாயிகளின் நீண்டகால வருமானத்தை உயர்த்தவும் தமிழ்நாடு அரசு ஐந்து உயர் விளைச்சல் தரும் தேக்கு ரகங்களை (Clones) அறிமுகப்படுத்தியுள்ளது.
தேக்கு (டேக்டோனா கிராண்டிஸ்) என்பது லாமியேசியே (Lamiaceae) குடும்பத்தைச் சேர்ந்த ஒரு பெரிய இலையுதிர் மரமாகும்; இது வலுவான, நீடித்த மற்றும் கரையான்களை எதிர்க்கும் மரக்கட்டைகளுக்காகப் புகழ்பெற்றது.
பசுமைத் தமிழ்நாடு திட்டம் (GTM), கோயம்புத்தூரில் உள்ள வன மரபியல் மற்றும் மர மேம்பாட்டு நிறுவனத்துடன் (IFGTB) இணைந்து, IFGTB-TG-1 முதல் IFGTB-TG-5 வரையிலான ரகங்களை ஊக்குவித்து வருகிறது.
வேகமான வளர்ச்சி, சிறந்த சுற்றளவு, நேரான உருளை வடிவ தண்டுகள் மற்றும் உயர்தர மர உற்பத்தி ஆகியவற்றின் அடிப்படையில் இந்த ரகங்கள் தேர்ந்தெடுக்கப்பட்டன.
தேக்கு சாகுபடிக்கு உகந்த 20 மாவட்டங்களில் உள்ள செய்முறை விளக்கப் நிலங்களில் சுமார் 55,000 தேக்கு கன்றுகள் நடப்படும்.
பூச்சிகள், நோய்கள் மற்றும் பருவநிலை அழுத்தத்தினால் ஏற்படும் அபாயங்களைக் குறைக்கப் பல இரக அணுகுமுறை (Polyclonal approach) பயன்படுத்தப்படும்; அதே வேளையில் திசு வளர்ப்பு மையங்கள் உயர்தர நடவுப் பொருட்களை தயாரிக்க ஆதரவளிக்கும்.