முக்கிய தினங்கள்

தேசிய ஒற்றுமை தினம் 2026 - அக்டோபர் 31

October 31 , 2026 10 days 87 0

சர்தார் வல்லபாய் படேலின் பிறந்த நாளைக் குறிக்கும் வகையில் அக்டோபர் 31 அன்று தேசிய ஒற்றுமை தினம் (ராஷ்ட்ரிய ஏக்தா திவாஸ்) அனுசரிக்கப்படுகிறது.
2026 ஆம் ஆண்டில், அவரது 151 வது பிறந்த நாள் கொண்டாடப்படுகிறது.
சர்தார் வல்லபாய் படேல் (1875-1950) ஒரு சுதந்திரப் போராட்ட வீரர் மற்றும் இந்திய தேசிய காங்கிரஸின் மூத்த தலைவர் ஆவார்.
குஜராத்தில் பர்தோலி சத்தியாகிரகத்தை (1928) அவர் வழிநடத்தினார், அதன் பிறகு அவர் "சர்தார்" என்று பிரபலமாக அழைக்கப்பட்டார்.
1947 ஆம் ஆண்டு சுதந்திரத்திற்குப் பிறகு 560 க்கும் மேற்பட்ட சுதேச சமஸ்தானங்களை வி.பி.மேனனின் உதவியுடன் இந்திய ஒன்றியத்துடன் இணைப்பதில் அவர் முக்கியப் பங்காற்றினார்.
1947 முதல் 1950 ஆம் ஆண்டு வரை இந்தியாவின் முதல் துணைப் பிரதமராகவும் உள்துறை அமைச்சராகவும் பணியாற்றிய அவர், "இந்தியாவின் இரும்பு மனிதர்" என்று பிரபலமாக அழைக்கப்படுகிறார்.
2026 ஆம் ஆண்டிற்கான கருத்துரு "ஏக் பாரத் ஸ்ரேஷ்ட பாரத்" என்பதாகும்.
பயிர் விளைச்சல் இல்லாததால் நிலவரி செலுத்த முடியாத விவசாயிகளுக்கு ஆதரவாக கேதா சத்தியாகிரகத்தையும் (1918) அவர் வழிநடத்தினார்.
1931 ஆம் ஆண்டு கராச்சி அமர்வின் போது இந்திய தேசிய காங்கிரஸின் (INC) தலைவராக அவர் பணியாற்றினார்.
1991 ஆம் ஆண்டில் அவருக்கு மரணத்திற்குப் பின் பாரத ரத்னா விருது வழங்கப்பட்டது.
குஜராத்தின் கெவாடியாவில் (ஏக்தா நகர்) 2018 ஆம் ஆண்டில் திறக்கப்பட்ட ஒற்றுமைக்கான சிலை (Statue of Unity) அவரது நினைவாகக் கட்டப்பட்டது, இதுவே உலகின் மிக உயரமான சிலையாகும்.