தேசியச் செய்திகள்

தேசிய கணக்குகள் புள்ளிவிவரங்கள் 2026

September 6 , 2026 7 days 73 0

புள்ளியியல் மற்றும் திட்ட அமலாக்க அமைச்சகம் (MoSPI) 2022-23 ஆம் ஆண்டை அடிப்படை ஆண்டாகக் கொண்டு தேசிய கணக்குகள் புள்ளிவிவரங்கள் 2026-ஐ வெளியிட்டது.
இந்த வெளியீடானது மொத்த உள்நாட்டு உற்பத்தி (GDP), மொத்த மதிப்புக் கூட்டல் (GVA), தேசிய வருமானம், நுகர்வு, சேமிப்பு, மூலதன உருவாக்கம், பொதுத்துறை மற்றும் வெளிப்புற பரிவர்த்தனைகள் ஆகியவற்றை உள்ளடக்கிய 64 அறிக்கைகளைக் கொண்டுள்ளது.
இது காலாண்டு மொத்த உள்நாட்டு உற்பத்தி மதிப்பீடுகளுடன், 2022-23 மற்றும் 2023-24 ஆம் ஆண்டுகளுக்கான புதுப்பிக்கப்பட்ட இறுதி மதிப்பீடுகள், 2024-25 ஆம் ஆண்டிற்கான முதல் திருத்தப்பட்ட மதிப்பீடுகள் மற்றும் 2025-26 ஆம் ஆண்டிற்கான தற்காலிக மதிப்பீடுகளை உள்ளடக்கியுள்ளது.
புதிய உற்பத்தியாளர் விலை குறியீடு (PPI), தொழில்துறை உற்பத்திக் குறியீடு (IIP) மற்றும் வங்கி சேவைகள் விலை குறியீடு (BkSPI) ஆகியவற்றைப் பயன்படுத்தி மதிப்பீடுகள் திருத்தப்பட்டன என்பதோடு இவை அனைத்தும் புதுப்பிக்கப்பட்ட நிர்வாகத் தரவுகளுடன் 2022-23-ஐ அடிப்படை ஆண்டாகக் கொண்டுள்ளன.
புதுப்பிக்கப்பட்ட குறிகாட்டிகள் 2022-23 ஆம் ஆண்டு முதல் GDP மற்றும் GVA மதிப்பீடுகளில் திருத்தங்களை ஏற்படுத்தியுள்ளன, இதில் சுரங்கம், உற்பத்தி, வர்த்தக சேவைகள் மற்றும் பொது நிர்வாகம் போன்ற துறைகளில் பெரிய மாற்றங்கள் ஏற்பட்டுள்ளன.
புதுப்பிக்கப்பட்ட மதிப்பீடுகளின் கீழ், 2025-26 ஆம் ஆண்டிற்கான உண்மையான GDP வளர்ச்சி 7.7% இலிருந்து 7.8% ஆக அதிகரித்துள்ளது, அதே நேரத்தில் நடப்பு விலையிலான GDP வளர்ச்சி 8.9% இலிருந்து 8.6% ஆகத் திருத்தப்பட்டுள்ளது.