TNPSC Thervupettagam
✖
 
16, Jul 2026
TNPSC Group I Topper Corner
தமிழ் English
தேடல்
மாநிலச் செய்திகள்

நர்மதா நதி ஒப்பந்தம்

July 11 , 2026 5 days 88 0
  • நர்மதா திட்டம் தொடர்பான நிலுவையில் உள்ள விவகாரங்கள் குறித்து மத்தியப் பிரதேசம், குஜராத், ராஜஸ்தான் மற்றும் மகாராஷ்டிர மாநில அரசுகள் ஒரு ஒப்பந்தத்தை எட்டியுள்ளன.
  • இது சர்தார் சரோவர் திட்டத்தைக் கட்டமைப்பதற்கான செலவுப் பகிர்வு ஏற்பாடுகள் தொடர்பானதாகும்.
  • நர்மதா நதித் திட்டத்தின் கீழ் வெள்ளத்தால் பாதிக்கப்பட்ட பகுதிகளிலிருந்து மக்களை இடமாற்றம் செய்வது மற்றும் நிலத்திற்கான இழப்பீடு வழங்குவது தொடர்பான பல தசாப்த காலப் பிரச்சினைகளுக்கும் இது தீர்வு கண்டுள்ளது.
  • சர்தார் சரோவர் அணை, நர்மதா நதியில் திட்டமிடப்பட்ட 25 முக்கிய அணைகளில் ஒன்றாகும் என்பதுடன் இது அவற்றில் மிகப்பெரிய அணையாகவும் திகழ்கிறது.
  • இதன் கட்டுமானத்திற்குப் பயன்படுத்தப்பட்ட கான்கிரீட் அளவின் அடிப்படையில், இது உலகின் மிகப்பெரிய கான்கிரீட் அணைகளில் ஒன்றாகும்.
  • சர்தார் சரோவர் அணை குஜராத்தின் நர்மதா மாவட்டத்தில், குஜராத் மற்றும் மகாராஷ்டிர மாநிலங்களின் எல்லைப் பகுதியில் அமைந்துள்ளது.
  • இதன் மேற்குப் பகுதியில் மத்தியப் பிரதேசத்தின் மால்வா பீடபூமி அமைந்துள்ளது; இங்கு நர்மதா நதியானது மத்வார் மலைப்பகுதிகளை அடைவதற்கு முன்னதாக கரடுமுரடான மலைப்பகுதிகள் வழியாகப் பாய்கிறது.
  • 30 லட்சம் கியூசெக் (85,000 கியூமெக்ஸ்) உபரி நீர் வெளியேற்றும் திறன் கொண்ட இந்த அணை, சீனாவின் கெஜோபா (1.13 லட்சம் கியூமெக்ஸ்) மற்றும் பிரேசிலின் டுகூருய் (1.0 லட்சம் கியூமெக்ஸ்) அணைகளுக்கு அடுத்தபடியாக உலகில் மூன்றாவது இடத்தில் உள்ளது.
  • 163 மீட்டர் உயரமுள்ள இந்த அணை, இமாச்சலப் பிரதேசத்தில் உள்ள பக்ரா (226 மீட்டர்) மற்றும் உத்தரகண்ட் மாநிலத்தில் உள்ள லக்வார் (192 மீட்டர்) அணைகளுக்கு அடுத்தபடியாக இந்தியாவின் மூன்றாவது மிக உயரமான கான்கிரீட் அணையாகும்.
  • ஈர்ப்பு விசை அணையில் பயன்படுத்தப்பட்ட கான்கிரீட் அளவின் அடிப்படையில், 6.82 மில்லியன் கன மீட்டர் அளவுடன் இது உலகளவில் இரண்டாவது மிகப்பெரிய அணையாகத் திகழ்கிறது; அமெரிக்காவில் உள்ள கிராண்ட் கூலி அணை (8.0 மில்லியன் கன மீட்டர்) மட்டுமே இதைவிடப் பெரியதாகும்.
  • இந்த நீர்த்தேக்கத்தை நோக்கியவாறு, சர்தார் வல்லபாய் படேலுக்கு அஞ்சலி செலுத்தும் விதமாக அமைக்கப்பட்ட உலகின் மிக உயரமான சிலையான 'ஒற்றுமைக்கான சிலை' (Statue of Unity) அமைந்துள்ளது.


Post Views:
88

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்