TNPSC Thervupettagam
✖
 
17, Feb 2026
TNPSC Group I Topper Corner
தமிழ் English
தேடல்
தமிழ்நாட்டுச் செய்திகள்

நிதி நிலையறிக்கை 2026 - ஆதிச்சநல்லூர் தொல்லியல் தளம்

February 4 , 2026 13 days 112 0
  • மத்திய நிதியமைச்சர் நிர்மலா சீதாராமன், நாடு முழுவதும் உள்ள 15 தொல்லியல் தளங்களை துடிப்பான மற்றும் அனுபவமிக்க கலாச்சாரத் தலங்களாக மேம்படுத்த முன்மொழிந்தார்.
  • இதில் லோதல், தோலாவிரா, ராக்கிகர்கி, ஆதிச்சநல்லூர், சாரநாத், ஹஸ்தினாபுரம் மற்றும் லே அரண்மனை ஆகியவை அடங்கும்.
  • தேர்ந்தெடுக்கப்பட்ட தளங்களில், ஹரியானாவில் உள்ள ராக்கிகர்கி மற்றும் குஜராத்தில் உள்ள தோலாவிரா மற்றும் லோத்தல் போன்ற சிந்து சமவெளி நாகரிக (IVC) தளங்களும் அடங்கும்.
  • மேலும், சாரநாத் மற்றும் ஹஸ்தினாபுரம் போன்ற உத்தரப் பிரதேசத்தில் உள்ள பௌத்த தளங்களும் இதில் அடங்கும்.
  • இந்தியாவின் பழமையான தொல்லியல் தளங்களில் ஒன்றான ஆதிச்சநல்லூர், தமிழ்நாட்டின் தூத்துக்குடி மாவட்டத்தில் தாமிரபரணி ஆற்றின் கரையில் அமைந்துள்ளது.
  • இது ஆரம்பகால இரும்புக்கால வாழ்க்கை மற்றும் பண்டைய தமிழ் நாகரிகம் பற்றிய நுண்ணறிவுகளை வழங்குகிறது.
  • இந்தியத் தொல்லியல் துறை (ASI) அகழ்வாராய்ச்சி செய்யப்பட்ட பகுதி முழுவதும் நடந்து செல்லும் சரிவுப் பாதைகளை நிறுவிய முதல் தளம் இதுவாகும்.
  • ஆதிச்சநல்லூர் அதன் ஈமத்தாழிகளுக்காக மிகவும் அறியப்படுகிறது என்ற நிலையில் இவை இறந்தவர்களைப் புதைக்கப் பயன்படுத்தப்பட்ட பெரிய களிமண் பானைகள் ஆகும் என்பதோடு இவற்றுடன் இரும்புக் கருவிகள், ஆபரணங்கள் மற்றும் மட்பாண்டங்களும் வைக்கப்பட்டிருக்கும்.
  • இந்த ஈமத்தாழிகள் முதன்முதலில் 19 ஆம் நூற்றாண்டின் பிற்பகுதியில் பிரிட்டிஷ் தொல்லியல் ஆய்வாளர் அலெக்சாண்டர் ரீ என்பவரால் கண்டுபிடிக்கப்பட்டன.


Post Views:
112

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்