சுற்றுச்சூழல் செய்திகள்

பசிபிக் முன்கூட்டிய COP31 பருவநிலை உச்சிமாநாடு

October 7 , 2026 4 days 75 0

பசிபிக் முன்கூட்டிய COP31 (Pre-COP31) பருவநிலைக் கூட்டம் பிஜியின் நாடியில் (Nadi) தொடங்கியது.
இந்தக் கூட்டத்தை பிஜி, துவாலு மற்றும் ஆஸ்திரேலியா ஆகிய நாடுகள் இணைந்து நடத்துகின்றன, இதில் 50-க்கும் மேற்பட்ட நாடுகளைச் சேர்ந்த பிரதிநிதிகள் பங்கேற்றுள்ளனர்.
புவி வெப்பமடைதலை 1.5 டிகிரி செல்சியஸுக்குள் வைத்திருத்தல், பருவநிலை நிதியை மேம்படுத்துதல், தூய்மையான ஆற்றல் மாற்றத்தை விரைவுபடுத்துதல் மற்றும் பெருங்கடல்களைப் பாதுகாத்தல் ஆகியவை இதில் முக்கிய முன்னுரிமைகளாகும்.
உயர்ந்து வரும் கடல் மட்டம் மற்றும் பருவநிலை மாற்றத்தின் விளைவுகளை எடுத்துரைப்பதற்காக, தாழ்வான பசிபிக் தீவு நாடான துவாலுவில் தலைவர்களுக்கான சிறப்பு நிகழ்வு ஒன்று நடைபெறுகிறது.
இந்தக் கூட்டமானது 2026 ஆம் ஆண்டு நவம்பர் 09 முதல் 20 ஆம் தேதி வரை துருக்கியின் அண்டலியாவில் நடைபெறவுள்ள COP31 மாநாட்டிற்கான பேச்சுவார்த்தைகளை வடிவமைக்க உதவும்.
தூய்மையான கப்பல் போக்குவரத்து, புதுப்பிக்கத்தக்க ஆற்றல், நிலையான மீன்பிடி மற்றும் பெருங்கடல் பாதுகாப்பு உள்ளிட்ட பெருங்கடல்-பருவநிலை தொடர்பையும் பிஜி நாடு முன்னிலைப்படுத்துகிறது.