சுற்றுச்சூழல் செய்திகள்

பாரம்பரியப் பல்லுயிர்ப் பெருக்கத் தளம் – மகாராஷ்டிரா

April 6 , 2021 2036 days 1220 0

மகாராஷ்டிர மாநில அரசானது சிந்துதுர்க் மாவட்டத்திலுள்ள மேற்குத் தொடர்ச்சி மலையில் அம்போலி எனும் பகுதியைப் பல்லுயிர்ப் பெருக்க பாரம்பரியத் தளமாக அறிவித்து உள்ளது.
அரிதான நன்னீர் மீன் இனங்கள் இங்கு கண்டு பிடிக்கப்பட்டுள்ளன.
ஸ்கிஸ்துரா ஹிரண்யகேஷி (Schistura Hiranyakeshi) எனப் பெயரிடப்பட்ட ஒரு புதிய நன்னீர் மீன் இனத்தினை தேஜாஸ் தாக்கரே மற்றும் அவரது குழு கண்டுபிடித்துள்ளது.
தேஜாஸ் தாக்கரே முதலமைச்சர் உத்தவ் தாக்கரேயின் மகனாவார்.
இந்த மீன்கள் சிந்துதுர்க் மாவட்டத்தின் சவந்த்வாடி தாலுக்காவிலுள்ள அம்போலியின் அருகே காணப் படுகின்றன.
ஸ்கிஸ்துரா மீன் ஆக்சிஜன் நிறைந்த நீர்நிலைகள் மற்றும் ஓடைகளில் வாழும் ஒரு சிறிய வண்ண மயமான மீனாகும்.
இதற்கு முன்பு அந்த மாநில அரசு,
- அல்லப்பள்ளியின் மகிமை – கட்சிரோலி மாவட்டம்
- லன்டோர் கோரி பூங்கா – ஜல்காவோன்
- கணேஷ் கிந்த் – பூனா
- மைரிஸ்டிகா சதுப்புநிலத் தாவரங்கள் – சிந்துதுர்க் மாவட்டம்
ஆகியவற்றைப் பாரம்பரிய பல்லுயிர்ப் பெருக்கத் தளங்களாக அறிவித்துள்ளது.