பிரபலமானவர்கள், விருதுகள் மற்றும் நிகழ்வுகள்

பிங்கலி வெங்கய்யாவின் 150வது பிறந்தநாள்

August 5 , 2026 3 days 45 0

2026 ஆம் ஆண்டு ஆகஸ்ட் 2 அன்று பிங்கலி வெங்கய்யாவின் 150-வது பிறந்தநாளை இந்தியா அனுசரித்தது என்பதோடுபிரதமர் அவருக்கு அஞ்சலி செலுத்தினார்.
பிங்கலி வெங்கய்யா (1876-1963) ஒரு இந்திய சுதந்திரப் போராட்ட வீரர், கல்வியாளர், புவியியலாளர், எழுத்தாளர் மற்றும் இந்திய தேசியக் கொடியின் (மூவர்ணக் கொடி) ஆரம்ப வடிவத்தை வடிவமைத்தவர் ஆவார்.
இவர் ஆந்திரப் பிரதேசத்தின் கிருஷ்ணா மாவட்டத்தில் உள்ள பட்லபெனுமர்ரு கிராமத்தில் பிறந்தார்.
1921 ஆம் ஆண்டில் விஜயவாடாவில் நடைபெற்ற அகில இந்திய காங்கிரஸ் கமிட்டி (AICC) கூட்டத்தொடரின் போது அவர் தனது கொடி வடிவமைப்பை மகாத்மா காந்தியிடம் சமர்ப்பித்தார்.
1923-ஆம் ஆண்டு ஏப்ரல் 13-ஆம் தேதி, நாக்பூரில் ஜாலியன் வாலாபாக் படுகொலையை நினைவு கூரும் வகையில் உள்ளூர் காங்கிரஸ் தொண்டர்கள் நடத்திய ஊர்வலத்தின் போது, ராட்டைச் சின்னம் பொறித்த 'சுயராஜ்யக் கொடி' ஏற்றப் பட்டது.
வெங்கய்யாவின் வடிவமைப்பை அடிப்படையாகக் கொண்டு, ராட்டைக்கு (Charkha) பதிலாக அசோகச் சக்கரத்தை மாற்றி, இந்தியாவின் தற்போதைய தேசியக் கொடி ஆனது 1947 ஆம் ஆண்டு ஜூலை 22 அன்று அரசியல் நிர்ணய சபையால் ஏற்றுக் கொள்ளப் பட்டது.
அப்போது, ராட்டைச் சின்னத்திற்குப் பதிலாக அடர் நீல நிறத்திலான 24 ஆரங்களைக் கொண்ட அசோகச் சக்கரம் அதில் இடம் பெறச் செய்யப் பட்டது.