தேசியச் செய்திகள்

பிரதம மந்திரி விக்சித் கிராம் ஸ்வராஜ் யோஜனா திட்டம்

October 31 , 2026 7 days 79 0

ஊரக உள்ளாட்சி நிர்வாகத்தை வலுப்படுத்துவதற்காக பிரதம மந்திரி விக்சித் கிராம் ஸ்வராஜ் யோஜனா திட்டத்திற்கு மத்திய அமைச்சரவை ஒப்புதல் அளித்துள்ளது.
இது 2026-27 முதல் 2030-31 ஆம் ஆண்டு வரையிலான காலத்திற்கான, மொத்தம் 7,395.55 கோடி ரூபாய் மதிப்பீட்டிலான மத்திய அரசு ஆதரவளிக்கும் திட்டமாகும்.
ஒருங்கிணைந்த திட்டமிடல், டிஜிட்டல் ஆளுமை, திறன் மேம்பாடு, மக்கள் பங்கேற்பு மற்றும் நிதிப் பொறுப்புக்கூறல் ஆகியவற்றின் மூலம் கிராம பஞ்சாயத்துகளை வலுப்படுத்துவதை இது நோக்கமாகக் கொண்டுள்ளது.
ஆண்டு இலக்குகளில் 2.55 லட்சத்திற்கும் மேற்பட்ட கிராம பஞ்சாயத்து வளர்ச்சித் திட்டங்கள் (GPDP), 2.55 லட்சம் இணையவழி தணிக்கைத் திட்டங்கள் மற்றும் ஒவ்வொரு பிரச்சாரத்திற்கும் குறைந்தது 1 கோடி குடிமக்களைச் சென்றடையும் வகையிலான விழிப்புணர்வுப் பிரச்சாரங்கள் ஆகியவை அடங்கும்.
டிஜிட்டல் கருவிகளில் பஞ்சாயத்து திட்டமிடல் மற்றும் கணக்கியலுக்கான மின்னணு-கிராம்ஸ்வராஜ் (eGramSwaraj), தகவல்தொடர்புக்கான பஞ்சாம் (PANCHAM) மற்றும் இணையவழி தணிக்கைகளுக்கான ஆடிட்ஆன்லைன் (AuditOnline) ஆகியவை அடங்கும்.
வழக்கமான பஞ்சாயத்துகள் இல்லாத பகுதிகளில் உள்ள பாரம்பரிய ஊரக உள்ளாட்சி அமைப்புகள் உட்பட சுமார் 32 லட்சம் தேர்ந்தெடுக்கப்பட்ட பிரதிநிதிகள், பஞ்சாயத்து அதிகாரிகள் மற்றும் பிற பங்குதாரர்களுக்கு இது ஆதரவளிக்கிறது.