TNPSC Thervupettagam
✖
 
23, Sep 2025
TNPSC Group I Topper Corner
தமிழ் English
தேடல்
தேசியச் செய்திகள்

பீகார் வாக்காளர் பட்டியல் திருத்தம்

September 12 , 2025 11 days 44 0
  • 2025 ஆம் ஆண்டு செப்டம்பர் 08 ஆம் தேதியன்று உச்ச நீதிமன்றம், பீகாரில் வாக்காளர் பட்டியல்களின் சிறப்புத் தீவிரத் திருத்தம் (SIR) நடைமுறைக்கு ஆதாரை 12வது ஏற்றுக் கொள்ளப்பட்ட ஆவணமாகக் கருதுமாறு இந்திய தேர்தல் ஆணையத்திற்கு (ECI) உத்தரவிட்டது.
  • ஆதாரை இந்தியக் குடியுரிமைக்கான சான்றாக அல்ல, அடையாளச் சான்றாக அல்லது வசிப்பிடச் சான்றாக மட்டுமே சமர்ப்பிக்க முடியும் என்று நீதிபதிகள் அமர்வு தெளிவுபடுத்தியது.
  • தேர்தல் பதிவு அதிகாரிகள் மற்றும் வாக்குச்சாவடி நிலை அதிகாரிகள் (BLO) உட்பட அனைத்துத் தேர்தல் அதிகாரிகளும், கோரிக்கைகள் அல்லது ஆட்சேபனைகளைத் தாக்கல் செய்வதற்கு ஆதாரை ஏற்றுக் கொள்ளுமாறு ECI அறிவுறுத்த வேண்டும்.
  • குடும்ப அட்டை அல்லது பிறப்புச் சான்றிதழ் போன்ற பிற ஆவணங்களைப் போலவே, ஆதாரின் நம்பகத்தன்மையை அதிகாரிகளால் சரி பார்க்க முடியும் என்று நீதிமன்றம் குறிப்பிட்டது.
  • பீகாரில் மொத்தம் உள்ள 7.89 கோடி வாக்காளர்களில் ஆகஸ்ட் 01 ஆம் தேதியன்று வெளியிடப்பட்ட வரைவுப் பட்டியலில் இருந்து சுமார் 65 லட்சம் வாக்காளர்கள் விலக்கப் பட்டுள்ளனர்.
  • கோரிக்கைகள் மற்றும் ஆட்சேபனைகளுக்கான காலக்கெடு ஆனது செப்டம்பர் 01 ஆம் தேதி என்றாலும், அந்தத் தேதிக்குப் பிறகு சமர்ப்பிப்புகள் ஏற்றுக் கொள்ளப்படும் என்று ECI பின்னர் தெளிவுபடுத்தியது.
  • ஆதாரைச் சமர்ப்பிக்கும் உரிமை குறித்து வாக்காளர்கள் அறிந்திருப்பதை உறுதி செய்ய, இந்த உத்தரவு குறித்து பரந்த விளம்பரம் அளிக்குமாறு ECI ஆணையத்திடம் உச்ச நீதிமன்றம் கோரியுள்ளது.

 


Post Views:
44

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்