சுற்றுச்சூழல் செய்திகள்

பீட் நில தீ விபத்துகள் - இந்தோனேசியா

September 9 , 2026 4 days 80 0

கடுமையான வறட்சி மற்றும் எல் நினோ வலுவடைந்து வருவதன் காரணமாக இந்தோனேசியாவின் பீட் நில தீ விபத்துகள் 2026 ஆம் ஆண்டில் தீவிரமடைந்து வருகின்றன, நிலத்தடி தீ கடுமையான மாசுபாட்டை உருவாக்குகிறது.
பீட் நிலத் தீ உலர் சதுப்பு நில மண்ணில் நிலத்தடியில் மெதுவாக எரிகிறது மற்றும் இது பல மாதங்கள் நீடிக்கும், இதனால் அவற்றை அணைப்பது கடினம்.
இந்தோனேசியாவில் உலகின் வெப்பமண்டல பீட் நிலங்களில் சுமார் 36% உள்ளது, முக்கியமாக கலிமந்தன், சுமத்ரா மற்றும் பப்புவாவில் உள்ளது.
பீட் நிலத் தீ மற்ற வெப்பமண்டல காடுகளின் தீயை விட 3 மடங்கு அதிக நுண் துகள்களையும், 2 மடங்கு அதிக மீத்தேன் மற்றும் கார்பன் மோனாக்ஸைடையும் உருவாக்கும்.
தீ விபத்துகளைக் கண்காணிக்க MODIS (மிதமான தெளிவுத்திறன் கொண்ட படமாக்கும் ஸ்பெக்ட்ரோரேடியோமீட்டர்) மற்றும் VIIRS (காணக்கூடிய மற்றும் அகச் சிவப்பு கதிர்வீச்சு படமாக்கும் ரேடியோமீட்டர் தொகுதி) செயற்கைக்கோள்கள் பயன்படுத்தப் படுகின்றன; இருப்பினும், அடர்த்தியான புகை மிகக் கடுமையான தீ விபத்துகளை மறைத்து விடக் கூடும்.
2026 ஆம் ஆண்டு ஆகஸ்ட் தொடக்கத்தில் இந்தோனேசியாவின் சுமார் 90% பகுதிகளில் மிகக் குறைந்த மழையோ அல்லது மழையோ பெய்யவில்லை, அதே நேரத்தில் சிபோங்கி (SiPongi) அமைப்பு ஆகஸ்ட் 31 அன்று 946 தீப் புள்ளிகளைப் பதிவு செய்து உள்ளது.