காலனித்துவ காலத்து விமான விதிகள், 1937-க்குப் பதிலாக பாரதிய வாயுயான் நியாம், 2026 விதிகளை மத்திய அரசு அறிவித்துள்ளது; இந்தப் புதிய விதிகள் 2027 ஆம் ஆண்டு ஜனவரி 1 அன்று நடைமுறைக்கு வரும்.
இந்த விதிகள் விமானப் பதிவு, உற்பத்தி, பாதுகாப்புச் சான்றிதழ், பராமரிப்பு, விமானச் செயல்பாடுகள், பணியாளர் உரிமம் மற்றும் விமான நிலையச் செயல்பாடுகளுக்கான ஒழுங்குமுறை கட்டமைப்பை வழங்குகின்றன.
திட்டமிடப்பட்ட விமானச் சேவைகளை இயக்கும் விமான நிறுவனங்கள், இயக்கச் செலவுகள் போன்ற காரணிகளின் அடிப்படையில் கட்டணங்களை நிர்ணயித்து, கட்டண விவரங்களை சிவில் விமானப் போக்குவரத்து இயக்குநரகத்திடம் (DGCA) சமர்ப்பிக்க வேண்டும்.
அதிக வெளிப்படைத்தன்மையை உறுதி செய்வதற்காக விமான நிறுவனங்கள் தங்களின் அதிகாரப்பூர்வ இணையதளங்கள் மற்றும் பிற டிஜிட்டல் தளங்களில் விமானக் கட்டண விவரங்களை வெளியிட வேண்டும்.
பொது நலன் கருதி அசாதாரண சூழ்நிலைகளில் விமானக் கட்டணங்கள் குறித்து மத்திய அரசு எழுத்துப்பூர்வ வழிகாட்டுதல்களை வழங்க முடியும்; அதே நேரத்தில் சிவில் விமானப் போக்குவரத்து இயக்குநரகம் விமானக் கட்டணங்களைத் தொடர்ந்து கண்காணிக்கும்.