TNPSC Thervupettagam
✖
 
10, Nov 2025
TNPSC Group I Topper Corner
தமிழ் English
தேடல்
தமிழ்நாட்டுச் செய்திகள்

புதுப்பிக்கத்தக்க எரிசக்தி திறன் மற்றும் திட்டங்கள்

November 3 , 2025 7 days 42 0
  • 2021 ஆம் ஆண்டு முதல், தமிழ்நாட்டின் காற்றாலை மின் உற்பத்தித் துறை 5,700 கோடி ரூபாய்க்கு மேல் பெற்றுள்ளது மற்றும் 816 மெகாவாட் அளவிலான கூடுதல் திறனை உற்பத்தி செய்துள்ளது.
  • 600 மெகாவாட் அளவிலான புதிய காற்றாலை மின் உற்பத்தித் திட்டங்களுக்கு கூடுதலாக 4,200 கோடி ரூபாய் திட்டமிடப்பட்டுள்ளது.
  • மாநிலத்தின் சூரிய ஆற்றல் உற்பத்தித் துறை 6,736 மெகாவாட் திட்டங்களுக்காக 23,500 கோடி ரூபாய்க்கு மேல் பெற்றுள்ளது.
  • 39,000 கோடி ரூபாய் (5,700 மெகாவாட்) மதிப்புள்ள சூரிய சக்தி திட்டங்கள் மேல் நிலை ஒப்புதல் நிலைகளில் உள்ளன.
  • 25,500 மெகாவாட்களுக்கு மேல் நிறுவப்பட்ட புதுப்பிக்கத்தக்க எரிசக்தி உற்பத்தி திறனுடன் தமிழ்நாடு தேசிய அளவில் நான்காவது இடத்தில் உள்ளது.
  • 11,500 மெகாவாட் அளவிலான நிறுவப்பட்ட காற்றாலை மின் உற்பத்தித் திறன் தமிழ்நாட்டினை இந்தியாவில் இரண்டாவது இடத்தில் இடம் பெறச் செய்தது.
  • 2030 ஆம் ஆண்டிற்குள் புதுப்பிக்கத்தக்க எரிசக்தி மூலங்களிலிருந்து 50 சதவீத மின்சாரத்தை உற்பத்தி செய்ய மாநிலம் இலக்கு நிர்ணயித்துள்ளது.
  • தேசிய உறுதிப்பாடுகளுக்கு இணங்க, 2070 ஆம் ஆண்டிற்குள் கார்பன் உமிழ்வினை  70 சதவீதம் குறைத்து நிகர சுழி நிலையை அடைய தமிழ்நாடு இலக்கு நிர்ணயித்துள்ளது.
  • 2034–35 ஆம் ஆண்டிற்குள் திட்டமிடப்பட்ட மின் தேவையானது 20,700 மெகாவாட்டில் இருந்து 35,500 மெகாவாட்டாக உயரும் என்று எதிர்பார்க்கப்படுகிறது.
  • குந்தாவில் 500 மெகாவாட் நீரேற்று புனல் மின்னாற்றல் சேமிப்பு நிலையம் அமைக்கப்பட திட்டமிடப்பட்டுள்ளது.
  • வெள்ளிமலையில் 1,100 மெகாவாட் மற்றும் ஆழியாரில் 2,400 மெகாவாட் திறன் கொண்ட மின் உற்பத்திக்கு முன் செயலாக்க நடவடிக்கைகள் நடைபெற்று வருகின்றன.
  • தமிழ்நாட்டின் கடற்கரையோரப் பகுதிகள் சிறப்பான காற்று வேகம் மற்றும் அதிக திறன் உருவாக்க காரணிகளுடன் 35 ஜிகாவாட் அளவிலான கடல் காற்று ஆற்றலைக் கொண்டுள்ளது.
  • தேசிய காற்றாலை ஆற்றல் நிறுவனம் மற்றும் இந்தியா-டென்மார்க் பசுமை உத்திசார் கூட்டாண்மை ஆகியவை தமிழ்நாட்டின் கடற்கரையில் இந்தியாவின் முதல் கடல் காற்று திட்டத்தினை அமைக்கத் தயாராகி வருகின்றன.

 


Post Views:
42

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்